बाँके पुस १० गते । नेपालगञ्ज उद्योग वाणिज्य संघको आसन्न निर्वाचनलाई मध्यनजर गर्दै दुई संगठनबीच साझा प्यानल बनाउने सहमती भएको छ । नेपालगञ्ज उद्योग वाणिज्य संघको माघ ११ गते हुन गइरहेको निर्वाचनमा नेपाली कांगे्रस निकट प्रजातान्त्रिक उद्योगी व्यवसायी संघ र राष्ट्रिय प्रजातन्त्र पार्टी निकट राष्टिय प्रजातान्त्रिक उद्योग व्यापार संगठनबीच सम्झौता कायम गरि साझा प्रजातान्त्रिक उद्योगी व्यवसायी समूहको रुपमा निर्वाचनमा सहभागी हुन लागेका हुन् । प्रजातान्त्रिक उद्योगी व्यवसायी संघ, बाँकेका अध्यक्ष पुरुषोत्तम शर्मा र राष्ट्रिय प्रजातान्त्रिक उद्योग व्यापार संगठनका अध्यक्ष सलाउद्यिन जसगढद्धारा बीहीबार जारी संयुक्त विज्ञप्तीमा सो सम्झौता गरिएको उल्लेख गरिएको छ ।
व्यवसायीहरुको छाता संगठनका रुपमा अपनत्ववोध गराउँदै अझैं सशक्त र प्रभावकारी भूमिका निर्वाह गर्नु पर्ने आवश्यक्ताअनुसार लोकतन्त्र र उदार अर्थ नीतीप्रति आस्थावान सम्पूर्ण उद्योगी व्यवसायीहरु संगठीत भएको सम्झौतापत्रमा प्रष्टयाइएको छ । उद्योगी, व्यवसायी मात्र होइन, निजी क्षेत्रको समग्र सवाल र मुद्या उठान गर्न र सम्वोधनको बाताबरण सिर्जना गर्न साझा प्यानल निर्माण गरेर मतदातामाझ प्रस्तुत भएको जारी सम्झौतामा भनीएको छ । संघको निर्वाचन नजीकीएसँगै अध्यक्ष लगायतका उम्मेदवारको नाम पनि चर्चामा आएको छ । यसैवीच साझा प्रजातान्त्रिक उद्योगी व्यवसायी समूहले न्यूरोड भानुचौकस्थित निर्वाचन सम्पर्क कार्यालय स्थापनासंगै उम्मेदवार चयन प्रक्रियालाई पनि तिव्रता दिएको छ । यता नेकपा निकट उद्योगी व्यवसायीले पनि उम्मेदवार छनौटलाई अन्तिम रुप दिइरहेको बताइएको छ ।
Discussion about this post