खोजखबर संवाददाता बाँके पुस १४ गते ।
नेपालगन्जमा जारी प्रादेशिक दोश्रो महोत्सवमा चहलपहल कमै देखिएको छ ।
महोत्सवको चौथो दिन दर्शकको चहलपहल खासै नदेखिएको स्थानियले बताउँछन् । गतबर्ष भन्दा यस बर्ष महोत्सवमा खासै केही चहलपहल नदेखिएको व्यापारी बताउँछन् । गतसालको भिडभाड देखेर व्यापार लगाउन आएको व्यापारीहरुले आएपनि यस बर्ष व्यापार शुन्य रहेको बताउँछन् ।
दर्शकको पर्खाइमा बस्नु र चिसो खानुको अरु बिकल्प छैन व्यवसायीहरुको गुनासो छ । राष्ट्रिय तथा स्थानिय कलाकारहरु पनि सन्तुष्ट नरहेको दर्शकहरु बताउँछन् । राष्ट्रिय कलाकारले मन्चमा गित गाउँदा दर्शकको उपस्थिति नभएको देखेर खल्लो महसुस गर्ने गरेको दर्शकहरु बताउँछन् । जवकि राष्ट्रिय कलाकार आउदा दर्शकको हुटिङग र चहलपहल हुनुपर्नेमा सुनसानमै आफनो प्रस्तुती देखाउने र जाने गरेको उनिहरुको भनाई छ ।
न हेर्नेलाई रमाईलो न कलाकारलाई रमाईलो भएको छ शुभम बर्माले भन्नुभयो । करिव ३ बजे पछि राष्ट्रिय स्तरको कलाकार आउँदा दर्शकहरुको घुइचो लाग्ने समय हो तर सोमवार ३ बजेसम्म दर्शकको चहलपहल केही नरहेको एक जना दर्शकले भन्नुभयो । टिकट काटेर पछुतो भैरहेको छ उहाँले गुनासो पोख्दै भन्नुभयो ।
न रमाईलो छ न केही छ आएर समयको बर्बाद मात्रा भैरहेको उहाँले बताउनुभयो ।
३ बजेसम्म एक पटक पनि पिङ नचलेको पिंङ संचालकले भन्नुभयो । नेपालगन्जको महोत्सव भव्य चल्छ भन्ने हल्ला मात्र रहेको उहाँले भन्नुभयो यस्तै तरिकाले महोत्सव संचालन भयो भने यहाँ त आउने जाने भाडा पनि उठ्दैन उहाँले दुखेसो पोख्नुभयो ।
गतसाल झै यस बर्ष रमाईलो मेला जस्तै, मौतका कुवा, सरकस, सवैभन्दा कान्छो मान्छे लगायत बच्चाहरुको रमाउने र खेल्ने प्रसस्त खेल सामाग्री समेत नरहेको एक दर्शकले नाम नभन्ने सर्तमा भन्नुभयो ।
केही नयाँ बस्तु किनेर लैजाने सोचका साथ महोत्सवमा गएको जानकारी गराउदै अन्जान खड्काले भन्नुभयो यो त सव नेपालगन्जकै बजारमा पाउने सामाग्री मात्र रैछ किन फोकटमा पैसा तिरेर महोत्सव भित्र जाने उहाँले आफ्नो धारणा राख्नुभयो ।
महोत्सवमा रमाईलो र नयाँ केही हुन्छ भनेर जाने सवै दर्शक मन मारेर आउने गरेको स्थानिय एक नागरिकले भन्नुभयो । नेपालगन्जमा संचालन भैरहेको नेपाल घरेलु तथा साना उद्योग महासंघ नेपालगंज उप महानगर नगरसमिति र महिला उद्यमी समितिको संयुक्त आयोजनामा शुक्रवारदेखि नेपालगन्जको सडक विभाग परिसरमा लागेको महोत्सवको चौथो दिन पनि खासै दर्शक नआएको आयोजक टिमका एक सदस्यले भन्नुभयो ।
खै किन यस बर्षको महोत्सवमा खासै चहलपहल देखिएन उहाँले भन्नुभयो । जाडोको कारण हुन सक्छ दर्शकहरु घरबाट बाहिर ननिस्केको उहाँले भन्नुभयो । महोत्सवको दोस्रो दिन दुर्गेश थापा र भूमिका गिरी, तेस्रो दिन प्रिती आले, चन्द्र शर्मा, ढाकाराम पौडेल, दिक्षा सुनार, कमल नारायाण नृत्य जोडी लगायत स्थानीय कलाकारको बिशेष प्रस्तुती रहेको थियो यस्तै चौथो दिन भने राष्ट्रिय गायक पशुपति शर्मा र स्थानिय कलाकारहरुको प्रस्तुती रहेको थियो ।
तर पनि दर्शको चहलपहल नरहेको उहाँले भन्नुभयो । महोत्सवलाई नेपाल घरेलु तथा साना उद्योग महासंघ जिल्ला शाखा बाँके र प्रदेश नं. ५ समिति बुटवलको सहकार्यमा मेहनत सृजना उत्पादन र बस्तु, मेरै नेपालको भन्ने मूल नाराका साथ “दोस्रो प्रादेशिक औद्योगिक लघु घरेलु तथा कृषि प्रविधि व्यापार एंव पर्यटन महोत्सव २०७६” आयोजना गरिएको छ ।
आयोजक कमिटिले आफ्नै तरिका र अरुसंग सहकार्य नगर्दा घाटामा जाने संकेट देखिएको छ ।
आयोजक कमिटिको व्यवहार देखेर धेरै संघ संस्था, बुद्धिजिवी, नागरिक समाज, व्यक्ति असन्तुष्ट रहेका छन् । आयोजकलाई अरुको सहकार्य नचाहिने तरिकाले संचालन गरेको हुनाले धेरैले साथ नदिएको एक जना अगुवा नेताले भन्नुभयो ।
Discussion about this post