खड्क सुनार मुगु पुस १८ गते । मुुगुः हिमाली जिल्ला मुगुमा भारी हिमपात भएको छ । बिहिबार अपराहन्को समय पछी लगतार हिमपात भएपछी मुगुको जनजिवन प्रभावित भएको छ । लगातको हिमपातले मुगु जिल्लाको पुर्वी करान भेगका ९ वटै वडा , खत्याड गाउँपालीकाकोखमाले,सेरी,कवा,चाकपाडे,लमेरा,कोटिल्लालगायत,सोरुगाउँपालीकको ,सोरुकोट,धैना,कालै,रुम र छायाँनाथ रारा नगरपालीको रारा , ताल्चविमान स्थल, बाम शोभा, लिउडी मुन्दु, कोटिल्ला झ्यारी ,रोवा लगायतका स्थानमा एक फिट सम्म हिउँ जमेको छ ।
अघिल्लो हिउँदमा माघको पहिलो साताबाट हिमपात भए पनि यो वर्ष एक महिना अगाडी नै हिमपात सुरु भएको थियोे । हिमपात संगैको चिसोले बालबालिका, वृद्धवृद्धा र काममा निस्कने व्यक्ति बढी प्रभावित भएका छन् । चिसोले गर्दा भेडा बाख्रा सहित अन्य पशुचौपायालाई समेत समस्या भएकोे सोरु गाउँपालीकाका पदम बहादुर शाहीले बताए । बाक्लो हिमपातले शैक्षिक संस्था , सरकारी कार्यलयको कामकाज प्रभावित भएका छन । निजि बिद्यालय रारा डाईनामिक स्कुलको शुक्रबारको अर्धबार्षिक परिक्षा हिमपातका कारण बन्द गरीएको रारा डाईनामिक बिद्यालयका प्रधाध्यापक कमल शाहीले जानकरी दिए ।
दुई दिन देखि हवाई सेवा ठप्प लगायतको हिमपातले मुगु जिल्लाको एक मात्र हवाई सेवा ताल्च विमान स्थल पनी बन्द भएको छ । हिमपात र बाक्लो हुस्सुका कारण हवाई सेवा बन्द भएको छ भने नाग्म गमगढी सडक पनी बन्द भएको छ । अघिल्लो पटकको हिमपातले दुई साता सम्म बन्द भएको नाग्म गमगढी सडक पुन बन्द भएको छ । सडक यातायात र हवाई सेवा बन्द हदाँ यात्रु अलप्रत्र परेका छन ।
ईन्टरनेट सेवा बन्द नेपाल टेलिकमको एडिसियल ईन्टरनेट सेवा बन्द भएको छ । बाक्लो हिमपातले जुम्लाको डाफेँ लेखमा रहेको नेपाल टेलिकमको रिपिटर टावरमा समस्या आएपछी मुगु सहित साविको कर्णालीका जिल्लामा एडिसियल ईन्टरनेट सेवा नमस्ते मोवाईल सेवामा अवरुद्ध भएको नेपाल टेलिकम जिल्ला शाखा मुगुले जनाएको छ । नेपाल टेलिकमको सेवा अवरुद्ध हुदाँ स्थानीय सञ्चार सेवा बाट बञ्चित भएका छन ।
किसान भने खुसी यो वर्ष एक महिना अगावै हिमपात भएका कारण हिउँदेबालीको उत्पादमा राम्रो हुनेमा कृषकहरु आशावादी छन । विशेष गरि अहिले खेतवारीमा लगाएको जौं, गहुँ बाली उम्रिने समय भएको र यहि वेला हिमपात र पानी पर्दा खेतीपातीका लागि राम्रो मानिन्छ । अहिले समयमा नै वर्षा भएकाले सुख्खा जमिनमा छरिएको जौं, गहुँ राम्रैसंग उम्रिने, विषेश गरि उम्रेको बाली नष्ट गर्ने फट्याँग्रा लगायतका किरा मर्ने र हिउदे बाली तथा तरकारीको उत्पादनमा पनि बृद्धि हुने जिल्ला कृषि विकास कार्यालय मुगुले जनाएको छ ।
फोटो खडक सुनार
Discussion about this post