खोजखबर संवाददाता बाँके पुस २० गते । राप्तीसोनारी गाउँपालिका अन्तर्गत बाँके राष्ट्रि निकुञ्जको कोरक्षेत्रमा पर्ने राप्ती नदिमा मगर र घडियाल गोही देखिन थालेको छ ।
राप्ती नदिको सिक्टागाउँदेखि अगैया सिक्टा बाँधसम्म गोही भेटिने गरेको हो ।
गोहीको अवलोकनका लागि बर्दियको बबई नदि र ठाकुरद्धार संरक्षण क्षेत्रमा जानुपर्ने भएपनि अव गोही हेर्न राप्ती नदिमा पाईने भएको हो । राप्ती नदिको अगैयास्थित सिक्टा नहरको बाँध आसपासमा प्राय गोही भेटिने गरेका छन् ।
बालुवामा मस्त बसिरहेका गोही देखिन थालेपछि यहाँ आन्तरिक पर्यटक समेत बढ्न थालेका छन् ।
गाउँपालिकाले र्याफ्टिङ्ग चलाउँदा गोही देखिने गरेको राप्तीसोनारी गाउँपालिका अध्यक्ष लाहुराम थारुले बताउनुभयो । राप्ती नदिको कुसुमदेखि अगैयासम्म गोही भेटिने गरेको अध्यक्ष थारुको भनाई छ ।
राप्ती नदिमा १० बढी गोही रहेको अनुमान रहेको छ । अहिले गाउँपालिका र बाँके राष्ट्रिय निकुञ्जसंग एकिन तथ्याक नभएपनि दर्जनको संख्यामा रहेको बताएको छ । बेला बेला हुने र्याफ्टिङ्गको क्रममा राप्ती नदिको बगरमा मगर र घडियाल गोही भेटिएको बाँके राष्ट्रिय निकुञ्ज वार्डेन प्रमोद भट्टराईले बताउनुभयो ।
गोहीको आकर्षण स्थलका रुपमा राप्ती नदिलाई विकास गर्ने योजनामा निकुञ्ज रहेको उहाँले बताउनुभयो । विश्व सिमसार दिवसको अवसर पारेर चितवनबाट गोही ल्याएर छोड्ने योजना समेत रहेको भट्टराईले जानकारी दिनुभयो । नदिमा गोही भेटिन थालेपछि राप्तीसोनारी गाउँपालिका र बाँके निकुञ्जले गोहीबाट आन्तरिक र बाह्य पर्यटन आकर्षणको उपायहरु खोजिरहेका छन् ।
यस्तै गोहीको संरक्षण र सम्भावित बासस्थानको बारेमा समेत चासो दिन थालेका छन् । गोहीकै कारण राप्ती नदिमा व्यावसायिक बोटिङ्ग, र्याफ्टिङ्ग गरि आन्तरिक तथा बाह्य पर्यटकहरुका लागि आकर्षणको केन्द्र बनाउने योजनाा गाउँपालिका रहेको छ ।
नदिमा विश्वकै लोपउन्मुख घडियाल गोही देखिन थालेपछि यसको संरक्षणका लागि समेत चिन्ता सरोकार निकायमा बढेको छ । नदिमा अहिले घडियाल र मगर गरी दुई प्रजातिका गोही छन् । घडियाल गोही विश्वकै दुर्लभ जीवजन्तुको सुचिमा छ ।
राप्ती नदिमा जलचर जनावरको बासस्थानको सम्भावता रहेको बताएको छ । राप्तीसोनारी र बाँके निकुञ्ज अन्तर्गत पर्ने राप्ती नदिको गाभरदेखि अगैयासम्म र्याफ्टिंङ्ग गर्दै गोहीसंगै विभिन्न प्रजातीका माछा र चराचुरुङ्गी देख्न पाईन्छ । राप्ती नदिमा डल्फिन माछासमेत देखिएको स्थानीय बताउँछन् ।
यसको वास्तविकता भने पुष्टि हुन सकेको छैन् । नदिमा र्याफ्टिङ्ग अवलोकनमा विभिन्न प्रजातिका चराचुरुगंी, माछा, गोही र जलचर जनावर अवलोकन गर्न पाईन्छ ।
Discussion about this post