खोजखबर संवाददाता
बाँके पुस २२ गते ।
स्थानियलाई झुक्काएर ग्यास उद्योग संचालन गर्न खोज्दा स्थानियवासी आक्रोशित भएका छन् । सुर्खेत जिल्लाको भेरी गंगा नगरपालिका वडा नं. ४ छिन्चु बजार दमार गाउँ स्थित बर्षा ग्यास उद्योग संचालन हुने भएपछि स्थानिय आक्रोशित भएका हुन् । स्थानिय जनतासंग भेला नगराई आफु मनपरि तरिकाले संचालन गर्न लागेको ग्यास उद्योग कुनै हालतमा संचालन गर्न नदिने स्थानियले बताएका छन् ।
स्थानिय जनतालाई विभिन्न प्रलोभनमा पारी कागजमा सिग्नेचर गराएको र सोधपुछ गर्दा आफुले ग्यास पसल तथा ग्यास सप्लायस खोल्ने स्थानियलाई नै लाभ हुने भनेपछि स्थानियवासी ३५ जनाले सहमति कागजमा सिग्नेचर गरेका थिए । ४ विगहामा बन्न लागेको उद्योगको आसपासमा धना बस्ती, बनजंगल देखि २ सय मिटरको दु्री, खेतीयोग्य जमिन, र बजारदेखि ४ सय मिटरको दुरी रहेको हुनाले स्थानिय जनता सहमत नभएको स्थानिय भुपेन्द्र देवकोटाले भन्नुभयो ।
सरकारको न्युनतम मापदण्ड पनि पुरा भएको छैन ग्यास उद्योग कुनै पनि हालतमा बनाउन नदिने स्थानिय श्यामलाल ढकालले भन्नुभयो । सरकारको नियम विपरित हुन लागेको ग्यास उद्योगलाई स्थानियले असमति जनाएका छन् । केही बर्ष पहिले स्थानिय जनतालाई विभिन्न किसिमको प्रलोभन र झुठ्ठा आश्वासन दिई उद्योग संचालन गर्नु कदापी स्किार्य नहुने उनिहरुको माग छ । स्थानियको सहमति विना संचालन हुने उद्योग तत्काल बन्द गर्न स्थानियको माग रहेको छ । सिग्नेचर गराउने बेला बाटोमा हिड्ने र बृद्धबृद्धाहरुसंग छुटटा छुटटै गराएको स्थानियले बताएका छन् ।
उद्योग नजिकैका बस्ती तथा सो क्षेत्र आसपासका जग्गा धनि अहिले चिन्तामा रहेका छन् । जवरजस्ती हामीसंग सल्लाह नगरि उद्योग संचालन गर्नु नै अस्विकार्य रहेको उनिहरुले जनाएका छन् । समुदाय विद्यालय बनक्षेत्र छिन्चु बजार नजिक असर पार्ने बर्षा ग्यास उद्योग विरोध कार्यक्रम समेत स्थानियले गर्दै आएका छन् ।
यस्तै वडा नं. ४ का वडा सदस्य रेशम बहादुर पुन सहितको टोली मंगलवार नगरपालिकामा सोधपुछको लागि पुगेका थिए । स्थानिय चुनाव हुनु अगाडी प्रक्रिया पुरा गरि निर्माण कार्य हुने जानकारी आएपछि स्थानियवासी आक्रोशमा आएको वडा सदस्य पुनले भन्नुभयो । यस्तै बर्षा ग्यास उद्योगका संचालक गोरख खत्रीसंग यस विषयमा बुझ्न खोज्दा उहाँको फोन उठेन । तर स्थानियका अनुसार उहाँले कागजी प्रक्रिया पुरा गरेको बताएका छन् ।
Discussion about this post