खोजखबर संवाददाता
बाँके असार २५ गते । जिल्ला प्रहरी कार्यालय बाँकेका प्रमुख प्रहरी उपरीक्षक वीरबहादुर वलीले जिल्लाको एकबर्षे शान्ति सुरक्षाका लागि कार्ययोजना सार्वजनिक गर्नुभएको छ । जिल्ला प्रहरी प्रमुखमा भर्खरै सरुवा भई आउनुभएका एसपी वलीले बुधबार पत्रकार सम्मेलन गरि कार्ययोजना सार्वजनिक गर्नुभएको हो । ११ बुँदे कार्ययोजनामा जनतालाई पूर्ण सुरक्षाको प्रत्याभुती दिलाई सबै प्रकारको भयत्राषबाट मुक्ती दिलाउने उल्लेख गरिएको छ ।
यसैगरी सेवामुखी, ब्यावसायिक, प्रभावकारी, पारदर्शी एवम उत्तरदायी प्रहरी सेवाको प्रत्याभुती दिने, सेवाग्राहीलाई छिटो , सरल र सहज रुपमा प्रहरी सेवा दिने, समुदायसँग सहकार्य गर्ने, जनचेतनामुलक कार्यक्रम गर्ने, लागु औषध रोकथाम र नियन्त्रण, फरार अभियुक्तको खोजतलाश र फैसला कार्यान्वयन संगठित अपराध,गुण्डागर्दी,जुवातास नियन्त्रण, चोरी निकासी र पैठारी नियन्त्रण मानव अधिकारको संरक्षण र पव्रवद्र्धन तथा सडक सुरक्षालाई प्राथमिकतामा राखिएको छ । एसपी वलीले कानून कार्यान्वयनका लागि कुनै सौदाबाजी वा बार्गेनिङ्ग नहुने दावी गर्नु भएको छ । आँशु सहित आउनेलाई न्याय दिएर हाँसोमा फर्काउने आफुहरुको प्रमुख काम हुने उहाँको भनाई रहेको छ ।
Discussion about this post