खोजखबर संवाददाता
बाँके असार २८ गते । लगातार पानी परिरहे पनि बाँके भएर बग्ने ठूला नदी तथा खोलामा पानीको सतह चेतावनी तह भन्दा तलै रहेको जिल्ला आपतकालीन कार्य सञ्चालन केन्द्र बाँकेले जनाएको छ । राप्ती नदीको सतह बढ्दै जान थालेको छ भने राप्तीसोनारीका केही गाउँहरु डुवानमा परेका स्थानीयबासीहरुले जानकारी दिएका छन् । आज बिहान ८ बजेर ४० मिनेटमा राप्ती नदीमा पानीको सतह ३ दशमलब ८६ मिटर पुगेको छ । यसैबिच बाढी तथा डुवान परेपछि कस्तो सर्तकता अपनाइएको छ भनेर प्रदेश ५ का मन्त्री देखि सांसदहरुले स्थलगत अनुगमन समेत गरेका छन् । बाढी तथा डुवानबाट बाँकेको सबैभन्दा बढी प्रभावित हुने क्षेत्र राप्तीपारीबाट निर्वाचन सांसद कृष्णा केसी ‘नमुना’ले राप्ती नदीको सतह बढ्दै जान थालेकाले सम्बन्धीत निकायलाई उच्च सर्तकता अपनाउन भनिएको जानकारी दिइन् । आजै बिहान ५ नं. प्रदेश सरकारका आन्तरिक मामिला तथा कानूनमन्त्री कुलप्रसाद केसी, सांसद नमुना, सांसद इन्द्रप्रसाद खरेल ‘आइपी’ जिल्लाका सबै सुरक्षा निकायका प्रमुख लगायतले नदीको मापन केन्द्र कुसुम, अगैया र उद्वारका लागी तयारी अवस्थामा राखिएका साम्रगी र सुरक्षाकर्मीहरुको बारेमा स्थलगत रुपमा जानकारी दिएका थिए । सांसद नमुनाले अझै पानी पर्ने सभ्भावना रहेकाले सबै निकायहरुमा पनि उच्च सतर्कता अपनाउन र प्रतिकार्यका लागि तयारी अवस्थामा रहन निर्देशन दिइएको बताइन् । आन्तरिक मामिला तथा कानूनमन्त्री केसीले बाढी आइहाले कुनै पनी कसुर बाँकी नराखेर उद्वारमा खटिन सुरक्षा निकायहरुलाई निर्देशन दिएका थिए ।
Discussion about this post