बाँके माघ २२ गते । बालबालिका बेचविखन र बाल विवाह न्यूनीकरणका लागि अन्तर पुस्ता सम्वाद कार्यक्रम गरिएको छ । प्लान नेपालको सहयोग तथा वैजनाथ गाउँपालिकासँगको सहकार्यमा बाँके यूनेस्को क्लवले बैजनाथ गाउँपालिका वडा न ८ टिटीहिरियामा अन्तर पुस्ता सम्वाद कार्यक्रम गरेको हो । जनप्रतिनीधी, बालबालिका, किशोर, किशोरी, महिला, प्रहरीलाई लक्षित गर्दै बुधबार सचेतनात्मक सहजीकरण गरिएको हो । कार्यक्रममा सम्वाद, अन्तर पुस्ता सम्वाद, सम्वाद प्रक्रिया, बाल विवाह र वेचविखन न्यूनीकरणमा सम्वादद्धारा गर्न सकिने भूमिका लगायतका विषयमा सम्वाद समूह बाँकेका सहजकर्ता एवं पत्रकार शुक्रऋषि चौलागाईले सहजीकरण गर्नु भएको थियो ।
कार्यक्रममा वडा न ८ का अध्यक्ष भगन थारुले हरेक क्षेत्रमा सम्वादको आवश्यक्ता र महत्व बढदै गएको बताउँदै यसको व्यापकता र थप प्रभावकारिताका लागि समन्वय जरुरी रहेकोमा जोड दिनु भयो । बालबालिकाका लागि छुट्याइएको वजेटको उचित सदुपयोगका लागि वडा कार्यालय प्रतिवद्ध रहेको समेत उहाँले उदघोष गर्नु भयो । बाँके यूनेस्को क्लवका फिल्ड सुपर भाइजर शंकर सिंह थारुद्धारा सञ्चालन गरिएको कार्यक्रममा स्थानीय समाजसेवी समर बीकले स्वागत गर्नु भएको थियो । कार्यक्रममा प्रहरी प्रतिनीधी राजु चौधरीले प्रहरीमा आउने घटना र सो को कारवाही प्रक्रिया बारे प्रष्टयाउनु भएको थियो । अध्यक्ष थारु र सहजकर्ता चौलागाईले किशोरी तथा महिलाद्धारा राखीएको विभिन्न प्रश्नको जवाफ दिदै जिज्ञाशा मेटाउने प्रयास गर्नु भएको थियो।
Discussion about this post