असलम भाट
बाँके साउन १ गते । नेपालबाट हज गर्न जाने हाजीहरुको पहिलो उडान बिहिबार बिहान हुने भएको नेपाल हज समितिका अध्यक्ष शमशेर मियाँले बताउनुभएको छ ।
गृहमन्त्री राम बहादुर थापा बदल, शहरी विकास मन्त्री मोहम्मद इस्तियाक राई लगायतका नेताहरुले साउदी अरेबियाको मक्का मदिनामा हज गर्न जान लागेका हजयात्रीहरुलाई बिहिबार त्रिभुवन अन्तर्रा्ष्ट्रिय विमानस्थलमा पुगेर बिदाई गर्ने कार्यक्रम रहेको छ ।
नेपाल हज समितिका अध्यक्ष शमशेर मियाँका अनुसार हजयात्राका लागि बिहिबार १५७ जना मुस्लिम समुदायका हजयात्री साउदी अरेबियातर्फ जाने जानकारी दिनुभएको छ । पहिलो उडानको नेतृत्व नेपाल हज समितिका सदस्य रहमद खानले गरी रहनु भएको छ ।
हजका लागि संसारका विभिन्न ठाउँबाट साउदी अरब आएर मक्का र मदीना शहर स्थित काबा शरीफ र मदीना शरीफ लगायत उक्त क्षेत्रका बिभिन्न धार्मिक स्थलमा उपस्थिति भएर प्रार्थना गरेर तथा इस्लामिक रीतिरिवाज पूरा गरेर मुस्लिम समुदाय हज पूरा गर्छन् । यस वर्ष नेपालबाट लगभग १५०० हजयात्रीहरु हजका लागि साउदी अरब जाँदै छन् ।
हजका लागि नेपालबाट बिहीबार पहिलो चरणको उड़ान हुनेछ । नेपाल हज समितिका सदस्य मेराज अहमदका अनुसार साउन २ गते बिहीबार पहिलो उडानमा हज समितिका प्रतिनिधि,स्वास्थ्यकर्मी लगायत १५७ हाजीहरु साउदी अरबका लागी उड्ने नेपाल हज समितिले जनाएको छ ।
Discussion about this post