खोजखबर संवाददाता
बाँके साउन १ गते । नेपालगन्ज उद्योग वाणिज्य संघ र चेम्बर अफ कमर्शको आयोजनामा बुधबार बन्द गरिएको छ । सरकारले ०७६।०७७ को बजेटमा ल्याइएको नीति, नियम, ऐन, कानून अब्यवहारिक भएको भन्दै आज बाँके जिल्लाका सम्पूर्ण उद्योग, व्यवसायहरु बन्द गर्नुका साथै उद्यमी, व्यवसायीहरुले उपमहानगरपालिकाको परिक्रमा गरि संघको सभाहलमा कोणसभा गरि कार्यक्रम सम्पन्न गरेको संघका प्रथम उपाध्यक्ष अब्दुल वाहिद मन्सुरी चुन्नाले बताए ।
त्यसै गरि संघ, चेम्बर अफ कार्मस, नेपालगन्ज र वस्तुगत संघ,संस्थाको संयुक्त निर्णय अनुसार आगामी कार्यक्रमहरुको रुप रेखा प्रस्तुत गरिएको छ। श्रावण २ गते, बिहिबारका दिन नेपालगंज उद्योग वाणिज्य संघका कार्यसमिति सदस्यहरु उद्योगी, व्यवसायीहरुको पसल पसलमा कालो झण्डा वितरण गर्ने कार्यक्रम रहेको छ ।
श्रावण ३ गते, शुक्रबारका दिन सम्पूर्ण राजनैतिक दल, सासद,छिमेकी जिल्ला उद्योग वाणिज्य संघका अध्यक्ष, अडिटर, कानूनी व्यवसायी, चेम्बर अफ कार्मस, नेपालगन्ज, वस्तुगत संघ,संस्था, अर्थ विज्ञ, निर्यातकर्ता, हिसान, पेब्सन, एनपेब्सन, भन्सार एजेन्ट, पत्रकारहरुसँग छलफल गर्ने कार्यक्रम रहेको छ । संघका अध्यक्ष नन्दलाल बैश्यका अनुसार श्रावणको अर्को हप्ता प्रदेश उद्योग वाणिज्य महासंघ, जिल्ला उद्योग वाणिज्य संघ र वस्तुगत संघ,संस्था सहितको टोली नेपाल उद्योग वाणिज्य महासंघ जाने निर्णय गरेको छ ।
Discussion about this post