खोजखबर संवाददाता
काठमाडौं साउन ५ गते ।काठमाडौं-शहरी विकास मन्त्रालयले पनि आफ्नो मातहतका विभाग तथा आयोजनासँग कार्यसम्पादन सम्झौता गरेको छ । शहरी विकासमन्त्री मोहम्मद इस्तियाक राईको उपस्थितिमा सचिव रमेशप्रसाद सिंहले शहरी विकास तथा भवन निर्माण विभाग, शहरी विकास महाशाखा, काठमाडौं उपत्यका विकास प्राधिकरण, बागमती सुधार आयोजना, नगर विकास कोष र मन्त्रालयकै प्रशासन महाशाखाका प्रमुखहरूसँग आइतवार सिंहदरबारस्थित मन्त्रालयमा कार्यसम्पादन सम्झौता गरेका हुन् ।
शहरी विकास तथा भवन निर्माण विभागका महानिर्देशक मणिराम गेलाल, प्रशासन महाशाखा प्रमुख कृष्णप्रसाद दवाडी, प्राधिकरणको जिल्ला आयुक्त दिलिप भण्डारी, बागमती सुधार आयोजना प्रमुख आशिष घिमिरे, नगर विकास कोषका अध्यक्ष मणिराम महत, शहरी विकास महाशाखा प्रमुख सरिता मास्केसँग सचिव सिंहले छुट्टाछुट्टै कार्यसम्पादन सम्झौता गरेका हुन् ।
सुशासन ऐन २०६४ अनुसार सरकारी कामलाई चुस्त दुरुस्त बनाई कार्यसम्पादन प्रभावकारी बनाउन हरेक मन्त्रालयले मातहतका विभाग तथा महाशाखाका प्रमुखसँग यस्तो सम्झौता गर्ने व्यवस्था छ । कार्यक्रमलाई सम्बोधन गर्दै शहरी बिकास मन्त्री मोहम्मद इस्तियाक राईले कार्यसम्पादन सम्झौता अनुसार जिम्मेवारबोध भएर काम गर्न कर्मचारी निर्देशन दिए । आफ्नो पदीय जिम्मेवारीबाट पन्छिन खोज्ने कर्मचारीलाई समेत अख्तियार दुरुपयोगमा कारवाही गरिने नयाँ व्यवस्था हुन लागेको छ’, मन्त्री राईले भने, ‘त्यसैले अब नतिजामुखी भएर काम गर्नुहोस होइन भने कारवाहीको भागीदार हुनुपर्ला । कार्यसम्पादन सम्झौताले मन्त्रालयको कामलाई छिटो छरितो सम्पन गर्न सहयोग पुग्ने बताउँदै मन्त्री राईले कुनैपनि नीतिगत समस्या भए आफूलाई जानकारी गराउन मातहतका कर्मचारीलाई आग्रह गरेका छन् ।
सुशान ऐनले आफुले पाएको जिम्मेवारी छिटो भन्दो छिटो कार्यान्वयनमा लैजाने दायित्व दिएकाले कार्यसम्पादनमा हुने ढिलासुस्तीलाई समेत मन्त्रालयले सुक्ष्म रुपमा मूल्याङ्कन गर्ने मन्त्री राईको भनाई छ । कार्यक्रममा शहरी सचिव सिंहले अहिले्सम्म गोप्य रुपमा कर्मचारीको मूल्याङ्न हुँदै आएको भन्दै कार्यसम्पादन सम्झौताले खुला रुपमा सबैको मूल्याङकन गर्ने प्रणालीको विकास गरेको बताए ।
-रिपब्लिका दैनिकबाट
Discussion about this post