खोजखबर संवाददाता
बाँके साउन ९ गते । नेपाल कम्युनिष्ट पार्टी नेकपाका स्थायी समिति सदस्य योगेश भट्टराईले आगामी निर्वाचनमा पार्टीले झन बढि सफलता पाउने बताउनुभएको छ । प्रेस संगठन बाँकेले बिहिवार नेपालगञ्जमा आयोजना गरेको पत्रकार सम्मेलनमा नेता भट्टराईले सरकारले डेढबर्ष कार्यकालबाट सिक्दै अघि बढ्ने बताउनुभयो । उहाँले अघिल्लो आर्थिकबर्ष सरकारको आधार बर्ष भएको भन्दै चालु आव आर्थिक विकास र समृद्धिको बर्ष हुने भन्दै अबको तीनबर्षभित्र मुलुकमा देखिने गरि परिवर्तन हुने दावी गर्नुभयो । कार्यक्रममा नेता भट्टराईले एकबर्षभित्र मातहत कमिटीको अधिवेशन गरि डेढ बर्षभित्र एकताको महाधिवेशन गर्ने बताउनुभयो । उहाँले पार्टी एकतालाई पूर्णता दिनेक्रममा स्कुल विभागको प्रमुखका लागि देखिएको विवाद सामान्य भएको बताउनुभयो । उहाँले स्कुल विभागको नेतृत्व जसको भएपनि पार्टीको लाईन जनताको जनवाद नै हुने स्पष्ट पार्नुभयो । उहाँले पार्टी एकताको सम्पूर्ण काम एकसाताभित्र सम्पन्न गरेर आन्तरिक तयारी गरि दुई महिना संगठन सुदृढिकरण र जनपरिचालन गरिने बताउनुभयो । प्रेस चौतारी बाँकेका सचिव कमल डांगीले संचालन गरेको कार्यक्रमको अध्यक्षतामा चौतारी बाँकेका अध्यक्ष हेमन्त विक र प्रेस सेन्टर बाँकेका अध्यक्ष डक्ट धितालले गर्नुभएको थियो । संसदीय समितिले हाल मुलुकका २२ वटा मेडिकल कलेजको स्थलगत अनूगमन गरिरहेको छ । अनूगमनकाक्रममा नेता भट्टराई सहितको टोली नेपालगञ्ज आएको हो । सोक्रममा नेकपा नेता रत्न खत्री, अव्दुल हुसेन खाँ, प्रमोद रिजाल, दीपक वर्मा लगायत सहभागी रहनुभएको थियो ।
Discussion about this post