कालिकोट बैशाख २१ गते ।
कालिकोटको सदरमुकाम मान्म बजारमा मुल्य बृद्धीभएको जनगुनासो आएपछि बजार अनुगमन गरिएको छ । बजारमा सामानको आपुर्ति र गुणस्तर ब्यवस्थाबारे जानकारी लिन बजार अनुगमन गरिएको सहायक प्रमुख जिल्ला अधिकारी युवराज गुरागाईँले बताए ।
बजार अनुगमनका क्रममा मुल्य सुचि र सामाजिक दुरी कायम नगरिएको गुरागाईले बताए । जिल्ला प्रशासन कार्यालय, उद्योग बाणिज्य संघ, पत्रकार,खाँडाचक्र नगरपालिका र जिल्ला प्रहरी कार्यालयका प्रतिनिधिको सहभागीतामा बजार अनुगमन गरिएको हो । धारा तेल र दालको रेट सुर्खेत नेपालगंजका ब्यापारीले नै बढाएको स्थानीय ब्यापारी रेशम रानाले बताए ।
बजारमा चुरोट, स्याम्बार, खैनी, मदिरा लगायतका सामानहरु पाउनै छाडेका छन् । चामलको कट्टामा एक सय र एक पेटी तेलमा एक सय मुल्यबृद्धि गरिएको होटल ब्यवसायीले बताएका छन् । ब्यापारीले सामान ढुवानीमा कठिनाइ भएकाले मुल्य बढाउनुपरेको बताउँदै आएका छन ।
Discussion about this post