बाँके जेेठ १३ गते ।
नेपालमा हाल सम्म ७७२ जनामा कोरोना संक्रमण पुष्टि भैसकेको छ । जसमध्य नेपालमा महिलामा भन्दा पुरुषमा कोरोना संक्रमणको केश बढी देखिएको छ ।मन्त्रालयले सार्वजनिक गरेको तथ्यांक अनुसार देशभर ७७२ जनामा कोरोना पुष्टि हुदा ८४ जना महिलामा मात्रै कोरोना पोजेटिभ देखिएको छ भमे ६८८ जना पुरुषमा कोरोना पोजेटिभ देखिएको हो ।
मन्त्रालयले कति जना महिला तथा कति जना पुरुषमा पिसिआर परिक्षण गरिएको हो त्यो भने खुलाएको छैन । जानकारका अनुसार महिला भन्दा पुरुषको परिक्षणको दर उच्च रहेकाले तथ्यांकमा पुरुषको संख्या धेरै हुनु स्वभाविक रहेको बताएका छन् ।
त्यस्तै मन्त्रालयले सार्वजनिक गरेको कोरोना संक्रमणको ग्राफ अनुसार २१ देखि ३० उमेर समुहमा सबै भन्दा बढी २७१ जनामा कोरोना संक्रमण देखिएको छ । नेपालमा पुष्टी भएको कोरोना पोजेटिभ केश मध्ये ३५.१० प्रतिसत २१ देखि ३० उमेर समूहकालाई देखिएको हो ।
त्यसपछि ३१ देखि ४० वर्ष उमेर समूहमा कोरोना पोजेटिभ धेरै देखिएको छ ।उक्त उमेर समुहमा जम्मा कोरोना संक्रमणको २५.६४ प्रतिशत कोरोना पोजेटिभ देखिएको छ |३१ देखि ४० वर्ष उमेर समूहका १९८ जनामा कोरोना पुष्टि भएको छ |
उता ७१ देखि ८० र ८० भन्दा माथिका उमेर समुहमा कोरोना संक्रमणको दर कम देखिएको छ ।
Discussion about this post