बलिउडमा अहिले परिवारवादका विषयमा वहस चलेको बेलामा अभिनेत्री सोनम कपुरले गरेको एउटा ट्वीटले फेरी तरंग ल्याएको छ । आइतबार अमेरिका लगायत केही मुलुकमा फादर्स डे मनाउने चलन छ । उनले फादर्स डे को दिन गरेको एउटा ट्वीटका कारण विवादमा फसेकी छिन्।
बलिउड अभिनेता सुशान्त राजपुतको निधन पछि बलिउडमा परिवारवादको वहस सुरु भएको हो । उनी पनि फिल्मी परिवारकै सदस्य हुन् । फादर्स डेको अवसरमा गरिएको ट्वीटका कारण उनी विवादमा फसेकी हुन्। उनले आफू पिताकै कारण सफलता प्राप्त गर्न सकेको भन्दै गरिएको ट्वीटका कारण विवादमा आएकी छन् ।
बलिउडका केही निर्देशकहरुले राम्रा कलाकार भन्दा पनि आफ्नालाई अवसर दिने गरेको भन्दै आरोप लागेको छ । परिवारवादका कारण सुशान्त जस्ता जेहेन्दार र उत्कृष्ठ कलाकारले अवसर नपाउँदा यस्तो निर्णय गरेको वहस चलेको हो । यस्तो माहौलमा सोनामले आफ्ने बुवाका कारण सफलता पाएको भन्दै ट्वीट गरेपछि धेरैले उनलाई उनलाई ट्रोल गरिरहेका छन्।
अभिनेता सुशान्त सिंह राजपूतको निधनपछि बलिउडमा नातावाद, परिवारवादको विषयमा अत्यधिक चर्चा भइरहेको बेला सोनमले गरेको ट्वीट विवादमा तानिएको हो। उनले ट्वीटमा लेखेकी छिन्, ‘आज फादर्स डेको मौकामा म एउटा कुरा भन्न चाहन्छु । म आफ्नो पिताकी छोरी हुँ र म उहाँकै कारण आज यहाँसम्म आइपुगेकी छु ।
मैले विशेषाधिकार पाएकी छु । यो कुनै अपमान होइन । मलाई यी सबैकुरा प्रदान गर्न मेरा पिताले कडा मेहनत गरेका छन् । म कहाँ जन्मिएँ र कसको परिवारको जन्मिएँ भन्ने कुरा मेरो भाग्यले निर्धारण गर्यो । मलाई आफ्नो पिताको छोरी हुनुमा गर्व छ।’ उनले यस्तो ट्वीट गरेपछि ट्रोल बनाइएको छ ।
नातावादकै चर्चा चएको बेलामा उनले बुवाकै कारण सफलता पाएको बताएपछि ट्रोल बनाइएको हो । यस्तै ट्रोल र आलोचना फिल्म निर्देशक करन जौहरको पनि भएको छ । उनी नातावादलाई प्रश्रय दिने फिल्म निर्देशक भन्दै उनका विरुद्ध अभियान नै सुरु भएको छ ।
सामाजिक सञ्जालमा अभिनेता सलमान खान र निर्देशक करनका विरुद्ध वहिष्कार अभियान सुरु भएको हो । सामाजिक सञ्जालमा यस्ता अभियान सुरु भएपछि केहीले सामाजिक सञ्जालको अकाउण्ट नै बन्द गरेका छन् । केहीले अनफलो गरिदिएका छन् ।
करनले सामाजिक सञ्जालमा सबैलाई अनफलो गरेका छन् भने सोनाक्षि सिन्हाले ट्वीटर अकाउण्ट बन्द गरेकी छन् । थुप्रै व्यक्तिहरु सुशान्त सिंह राजपूतको समर्थनमा छन्। बलिउडमा चर्चित निर्माता, कलाकारका सन्तानले मात्रै काम पाउँछन् भन्ने आरोप उनीहरुले लगाएका छन्।
करनले पछिल्लो समय आफ्नो मोवाइल नम्बर पनि परिवर्तन गरेका छन् ।
Discussion about this post