जावेद अन्सारी
बाँके साउन १२ गते ।
पछिल्ला केहि दिन देखि नेपालगन्जमा कोरोना भाइरस संक्रमण लगातार देखिइरहेको छ ।
क्वारेन्टिनमा नबसेका र यात्रा विवरण समेत नभएका व्यक्तिमा कोरोना भाइरस देखिएकाले समुदायस्तरमै कोरोना फैलिएको आंशका गरिएको छ ।
क्वारेन्टिनमा नबसेका र यात्रा विवरण समेत नभएका व्यक्तिमा कसरी कोरोना देखिएको हो ? अधिकारीहरुसँग ठोस जवाफ छैन् । तर कतिपयले अस्वभाविकरुपमा नेपाल भारत आउजाउ गर्नेबाट कोरोना भाइरस संक्रमण फैलिएको आंशका गरेका छन् । सरकारले साउन महिनाभरी सीमा नाका बन्द गरेपनि कामको लागि भन्दै सिफारिस लिएर भारत जाने र एक दुई दिनमा नेपाल फर्किने क्रम जारी छ । न त उनीहरु क्वारेन्टिनमा बस्छन न त पिसिआर परीक्षण गराउँछन् ।
उनीहरु सिधै घर–परिवार र समुदायमा घुलमिल हुने गरेका कारण कोरोना भाइरस संक्रमण बाँकेमा फेरि बल्झिदै गएको हुन सक्ने आंशका अधिकारीहरुको छ ।
किनकी विश्वमा महामारीका रुपमा फैलिएको कोरोनाबाट सबैभन्दा धेरै प्रभावित हुने भारत तेस्रो देश हो । यस्तो ठाउँमा पुग्ने र फर्किने क्रम तीब्र छ । भारत जान स्थानीय सरकारले सिफारिस दिने गरेका छन् । विरामी लगेर, औषधी ल्याउन र विरामी भेट्नका लागि भनेर भारत जान लागेको कारण खुलाएर सिफारिस लिने गरेका छन् ।
यस्तो हकमा भारतीय सीमा सुरक्षा बलले पनि निर्वाधन आउ–जाउ गर्न दिने गरेको छ । तर स्थानीय सरकारको सिफारिस दुरुपयोग गरेर भारत घुमेर आउने क्रम तीब्र छ ।
बाँकेका सिडिओ रामबहादुर कुरुम्वांगले अनलाईन खोजखवरसँग केही दिनअघि अत्यावश्यक काम बाहेक मानिसहरु भारत नगएको दावी गर्नुभएको थियो । तर सिडिओ गुरुम्वाङले दिएको जवाफ अनुसार नाकामा त्यसको परिणाम भने देखिएको छैन् ।
एक जनाले भन्दै थिए, सिडिओ सावलाई फेसबुकमा स्टाटस लेख्न भ्याइनभ्याइ छ नाकातिरको के वास्ता ?
Discussion about this post