बाँके साउन १७ गते ।
आजबाट विश्व स्तनपान सप्ताह सुरु भएको छ । र बाँके जिल्लाका स्थानीय तहहरुमा पनि सप्ताह आयोजना गरिएको छ। सप्ताहको पहिलो दिन शनिबार बैजनाथ गाउँपालिका स्वास्थ्य शाखाले एक कार्यक्रमको आयोजना गरी विश्व स्तनपान सप्ताहको शुृरुवात गरेको हो ।
मुख्य रुपमा ग्रामीण क्षेत्रमा बसोबास गर्ने आमाहरुले नवजात शिशुहरुलाई उचित रुपमा स्तनपान गराउन नसक्दा शिशुको विकासमा असर पर्ने गरेको बैजनाथ गाउँपालिका उपाध्यक्ष शारदा रेग्मी विकले बताईन् ।
बैजनाथका सबै स्वास्थ्य चौकीमा स्तनपान सप्ताह संचालन गरिने तथा आमाहरुलाई स्तनपान गराउने विधि सिकाउने स्वास्थ्य शाखा प्रमुख लक्षमण शाहीले जानकारी दिए । पछिल्लो समय शारिरीक सुन्दरता कायम राख्न महिलाहरुले शल्यक्रिया गरी शिशुु जन्माउने गर्दा नवजात शिशुहरुको मानसीक विकासमा समेत असर पर्ने गरेको स्वास्य शाखा उपसंयोजक लक्ष्मी रोकायाले बताईन् ।
कार्यक्रममा स्तनपान गर्ने विधि बारे समेत जानकारी गराएको थियो । गाँउपालिकाका प्रमुख प्रशासकीय अधिकृत, वडा अध्यक्ष, सामाजिक विकास समिति संयोजक लगायतले कार्यक्रममा आफ्नो धारण राखेका थिए ।
Discussion about this post