काठमाडौं साउन २० गते ।
देशभर कोरोना संक्रमितको संख्यामा तिब्र बृद्धि भएपछि फेरि लकडाउन गर्ने र नगर्नेबारे प्रधानमन्त्री केपी शर्मा ओली छलफलमा जुटेका छन् ।
ओलीले फेरि लकडाउन गर्नेबारे टुंगो लगाउन जनस्वास्थ्य क्षेत्रका विज्ञहरुलाई छलफलका लागि डाकेका छन् । लकडाउन खुकुलो भएपछि कोरोना संक्रमण झन बढेकाले प्रधानमन्त्री ओली छलफलमा जुटेका हुन् । लकडाउनबारे छलफल गर्न ओलीले कोभिड–१९ संकट व्यवस्थापन केन्द्र सिसिएमसीमा रहेका मन्त्री,सचिव र अन्य विज्ञहरु तथा जनस्वास्थ्य क्षेत्रका विज्ञहरुलाई बोलाएका छन् ।
मंगलबार बैठक आयोजना हुने बताइए पनि समय भने तय भै नसकेको प्रधानमन्त्रीका प्रेस सल्लाहकार सुर्य थापाले जानकारी गराएका छन् ।
ADVERTISEMENT
Discussion about this post