बर्दिया साउन २२ गते ।
कोरोना भाईरस (कोभिड-१९) को संक्रमण बढ्दै गएपछि बर्दिया जिल्लामा पुनः निषेधाज्ञा जारी गरीने भएको छ । आज बसेको कोभिड-१९ जिल्ला संकट ब्यवस्थापन केन्द्र (डिसिसीएमसी) को बैठकले आगामी आईतबारदेखी पाँच दिनसम्म निषेधाज्ञा जारी गर्ने निर्णय गरेको हो ।
बर्दियासँग सिमाना जोडिएका छिमेकी जिल्लाहरु बाँके र कैलालीमा कोरोना संक्रमणको दर बढ्दै गएपछि संक्रमण फैलन नदिन बर्दियामा समेत निषेधाज्ञा जारी गर्नुपर्ने अवस्था आएको जिल्ला प्रकाशन कार्यालय बर्दियाले जनाएको छ ।
प्रशासन कार्यालय बर्दियाका प्रशासकीय अधिकृत गाणेश बिक्रम शाहद्धारा जारी गरीएको सूचना अनुसार आगामी साउन २५ गते बिहान ६ बजेदेखी २९ गते मध्यरातसम्मकालागि जिल्लाब्यापी रुपमा निषेधाज्ञा जारी गरीने उल्लेख गरीएको छ ।
निषेधाज्ञाको समयमा अत्यावश्यक सेवा बाहेकका सम्पूर्ण सेवाहरु बन्द गर्न समेत जिल्ला प्रशासन कार्यालय बर्दियाले सबैलाई आग्रह गरेको छ । कोरोनाको संक्रमण बढ्दै गएपछि यसअघि साउन २४ गतेसम्मकालागि बाँकेमा समेत निषेधाज्ञा जारी गरीएको छ ।
पछिल्लो समय लकडाउन खुकुलो भएसङ्गै चरम लापरबाही हुने गरेकोले पुनः लकडाउन गरेर थप कडाइ गर्नु परेको हो जिल्ला प्रशासनले जानकारी दिएको छ।
Discussion about this post