बाँके भदौ ८ गते ।
नेपालगञ्ज भेरी अस्पतालले प्लाज्मा थेरापीमार्फत कोरोना संक्रमितको उपचार गर्ने तयारी तीब्र पारेको छ । अस्पतालमा प्लाज्मा थेरापीमार्फत उपचारको तयारी तीब्र पारिएको मेडिकल विभाग प्रमुख वरिष्ठ कन्सल्टेन्ट फिजिशियन डा. राजन पाण्डेले बताए ।
जटिल समस्या भएका विरामीको उपचारका लागि आइसियू र भेन्टीलेटरको ब्यवस्था गरिएको बताउँदै उनले प्लाज्मा थेरापीबाट उपचार गर्न चिकित्सक तयारी अवस्थामा रहेको जानकारी दिए । बाँकेमा फेला परेका कोरोना संक्रमितमध्ये दुई जनाको अवस्था गम्भीर भएको बताउँदै उनले दुबै जनालाई अक्सिजन दिएर उपचार भइरहेको बताए ।
प्लाज्मा थेरापी विधिबाट उपचार प्रभावकारी देखिएपछि भेरी अस्पतालबाट पनि सेवा शुरु गर्न लागिएको उनले बताए । स्वास्थ्य मन्त्रालयले भेरी अस्पताल र नेपालगञ्ज मेडिकल कलेजलाई प्लाज्मा थेरापी विधिबाट उपचार गर्न अनुमति दिएको छ ।
अस्पतालका कन्सल्टेन्ट फिजिसिशन डा. खगेन्द्रजंग शाह प्लाज्मा थेरापीको विज्ञको रुपमा नियुक्त भएको अस्पतालका निमित्त मेडिकल सुपरिटेण्डेन्ट डा. प्रकाशबहादुर थापाले जानकारी दिए ।
Discussion about this post