बाँके भदौ १३ गते ।
बाँकेको नेपालगन्जबाट शनिबार अख्तियारका कर्मचारी, नर्सिङ स्टाफसहित १० जना डिस्चार्ज हुँदैछन ।
स्वास्थ्य कार्यालय बाँकेका फोकल पर्सन नरेश श्रेष्ठका अनुसार अख्तियार दुरुपयोग अनुसन्धान आयोग बुटवल, सम्पर्क कार्यालय नेपालगन्जमा कार्यरत एक महिला कर्मचारी, नेपालगन्ज मेडिकल कलेज शिक्षण अस्पताल कोहलपुरमा कार्यरत स्वास्थ्यकर्मी (नर्सिङ स्टाफ सहित) १० जना डिस्चार्ज हुन लागेका हुन ।
विभिन्न आईसोलेशनमा बसेका उनिहरुलाई आजै डिस्चार्ज गर्ने तयारी गरीएको श्रेष्ठले बताए । श्रावण ३१ गते कोरोना संक्रमण पुष्टि भएपछि उनिहरुलाई बिभिन्न आईसोलेशनमा राखेर उपचार सुरु गरीएको थियो । आईसोलेशनमा १४ दिन बिताएका र कोरोना कुनै लक्षण नदेखीएका ब्यक्तिहरुलाई मात्र डिस्चार्ज गर्न लागिएको श्रेष्ठले स्पष्ट पारे ।
बाँकेमा हालसम्म ९ सय ७५ जनामा कोरोना संक्रमण पुष्टि भएको छ । जसमध्ये, ६ जनाको मृत्यु भइसकेको छ । आज हुने डिस्चार्ज समेत गरी कुल ७ सय ३ जना संक्रमित निको भइसकेका छन भने अब विभिन्न आइसोलेसनमा २ सय ६६ जना संक्रमित उपचाररत रहेको स्वास्थ्य कार्यालयले जनाएको छ ।
Discussion about this post