राम्रा योजनाहरु एकअर्काले अनुशरण गरे मात्र जिल्लाको समृद्धि हुने: साँसद अथक
बाँके भदौ २१ गते ।
बाँके क्षेत्र नं. १ का सँघिय साँसद महेश्वर गहतराज अथकले स्थानिय पालिकाहरुले योजनाका बारेमा एक अर्काको राम्रा पक्षहरुको सिकाइ गर्नुपर्ने बताएका छन । उनले जिल्ला भित्रका गाँऊपालिका वा नगरपालिकाले ल्याएका राम्रा योजनाहरु एकअर्काले अनुशरण गरे मात्र जिल्लाको समृद्धि हुने बताएका हुन ।
आईतबार जिल्ला समन्वय समिति बाँकेले आयोजना गरेको स्थानिय तहको समीक्षा कार्यक्रममा सहभागी हुन पुगेका साँसद अथकले सबै पालिकाबिच साम्रो समन्वयको खाँचो रहेको औल्याएका हुन ।
कार्यक्रममा स्थानिय पालिकाहरुले आ-आफ्ना पालिकाको योजना बजेटको अवस्था योजना कार्यान्वयनको अवस्था र चुनौतीका लगायतका सवालमा प्रस्तुती राखेका थिए ।
समीक्षा कार्यक्रममा बाँकेका आठ वटै पालिकाका प्रमुख तथा प्रतिनिधिहरुले आ-आफ्नो पालिकाले गरेका कामको प्रगति प्रतिवेदन प्रस्तुत गरेका थिए । सुरुमा सबै पालिकाका प्रमुख उप-प्रमुख सहित कार्यकारी अधिकृतहरुको सहभागिता भएपनि कार्यक्रमको अन्त्यतिर कार्यक्रम हल खाली जस्तै भएको थियो ।
समीक्षा कार्यक्रममा सँघिय साँसद मो. इस्तियाक राई, प्रदेश साँसद आइ.पि. खरेल, कृष्णा के.सी. नमुना, याकुब अन्सारी सहित सबै स्थानिय तहका प्रमुखहरुको सहभागिता रहेको थियो ।
Discussion about this post