सरला सुवेदी
बाँके भदौ ३१ गते ।
यहि भाद्र ३० गते नयाँ कोर्ष अनलाइन खबरमा प्रकाशित लुटको स्वर्ग कोहलपुर नगरपालिका राज्यकोषको चरमदोहन भन्ने शिर्षकमा प्रकाशित भयको समाचार प्रति कोहलपुर नगरपािलकाले आज पत्रकार सम्मेलन गरि खेद व्यक्त गरेको छ ।
बुधबार कोहलपुर नगरपालिकाका प्रवक्ता माधब रिजालद्वारा हस्ताक्षरित प्रेस विज्ञप्ती जारी गरी पत्रकार सम्मेलन मार्फत उक्त समाचार तथ्यहिन र भ्रामक भयको भन्दै खण्डन गरेको छ । समाचारमा उल्लेख गरीएको रकम सरकारी काम को प्रयोजनमा खटिएको अवस्थामा जनप्रतिनिधि तथा कर्मचारी हरुले भ्रमण खर्च नियमावली २०७४ बमोजिम नियमानुसार पाउनु पर्नै दैनिक भ्रमण भत्ता टि ए डि ए वापतको रकम बुझेको साँचो भएको तर उत्त, रकम आर्थिक वर्ष २०७६ /०७७ मा चैत्र ११ गते भन्दा अघि भुक्तानी भएको कुरा स्पष्ट पारेको छ ।
साथै मिती २०७६/३/८ गते बसेको कार्यपालिका बैठकले कोभिड महामारीको बेला भ्रमण भत्ता स्वरुप लिन गरेको रकम नलिने निर्णय गरेको समेत पत्रकार सम्मेलन मार्फत जानकारी गराएको छ ।
तर उक्त प्रकाशित समाचारमा कोभिडको बेला फन्टलाइनमा खटिने स्वास्थ्यकर्मी लाई भत्ता नदिइ नगरपालिकाका घरमा बसेका जनप्रतिनिधि तथा कर्मचारीहरु लाई भत्ता दियको भनी नगरपालिकाको बदनाम गराउने गरी आयको समाचारमा कुनै तथ्य नभयको प्रेस विज्ञप्तीमा उल्लेख गरीएको छ ।
सत्य तथ्य समाचार सम्प्रेष्ण गर्नु पत्रकार को जिम्मेवारी भयता पनि तथ्यहिन र भ्रमात्मक समाचार सम्प्रेष्ण गरी जनमानसलाई दिगभ्रमित बनाउने व्यक्तिको चरित्र हत्या गर्नै कार्य खेदजनक भयको भन्दै अगामी दिनमा यस्ता तथ्यहिन तथा तथ्यलाई बगांएर वा फरक प्रसंगमा मोडेर समाचार प्रकाशित तथा प्रसारित नगर्न कोहलपुर नगरपालिकाका प्रमुख लुट बहादुर रावतले पत्रकार सम्मेलन मार्फत सबै पत्रकारहरुलाई आग्रह गरेका छन् ।
प्रमुख रावतले पत्रकार भनेको राज्यको चौथो अङ्ग भएकोले नकारात्मक कुरा मात्र गलत तरिकाले लेख्न भन्दा नगरपालिका र जनप्रतिनिधिहरुले गरेका सकारात्मक कुरा पनि समाचारमा ल्याउनु पर्ने बताए । उनले कुनै व्यक्ति विशेषको रिसले सम्पुर्ण सस्थाकै बिरोधमा लागिपरेको भन्दै आक्रोश समेत पोखेका थिए।
उनले सम्मेलनमा नगरपालिका भित्रको कुनै पनि बिषयबस्तु र शाखा सङ्ग सम्बन्धित सूचना माग गर्नु परेमा सम्बन्धित शाखामा आएर सजिलै तरिकाले सूचना माग गरेर सत्यतथ्य कुरा मिडियामा ल्याउनु पर्ने बताए ।
Discussion about this post