बाँके माघ २० गते ।
बालविकास शिक्षकलाई शिक्षण सिप सम्बन्धि आधारभुत तालिम ज्ञानोदय सामुदायिक पुस्तकालयमा संचालन भैरहेको छ ।
कोहलपुर नगरपालिका नगर कार्यपालिकाको कार्यालय शिक्षा, युवा तथा खेलकुद शाखा कोहलपुरको आयोजनामा यस क्षेत्रका बालविकास शिक्षकहरुलाई शिक्षण सिप सम्बन्धि आधारभुत तालिम दिईएको हो । तालिममा करिब २० जना बाल विकास शिक्षकहरुको सहभागिता रहेको छ ।
कोहलपुर नगरपालिकामा करिब ८१ बलविकास शिक्षकहरु रहेका छन् । जसमध्य ५९ जनालाई तालिम दिईको छ भने २१ जनालाई आगमी दिनमा तालिम दिईने नगर शिक्षा अधिकृत शिला गौतमाले बताईन् । उनले भनिन्,–‘यो तेस्रो चरणको तालिम हो । हामीले यसभन्दा अगाडी दुई चरणको तालित गरिसक्यौं । बजेट अभावका कारण अहिले २१ ज्ना शिक्षक छुट्नुभएको छ । आगामी दिनमा उहाँहरुलाई पनि समेट्ने छौं ।
बाल विकासको उद्देश्य, महत्व, बालविकासका विकासात्मक पक्ष, सिकाइ क्षेत्रहरु, कक्षाकोठा व्यवस्थापन, दैनिक कार्यतालिकाको अभ्यास लगाएतका विषयवस्तुमा तालिम केन्द्रित रहने तालिममा प्रशिक्षक रहेकी शिक्षा अधिकृत गौतमले बताईन् ।
गौतमले प्रारम्भिक बाल विकासले शिक्षाको विकासमा महत्वपूर्ण भूमिका खेल्ने धारणा व्यक्त गरिन् । उनले यस तालिमले बालविकासको गुणस्तर सुधारको लागि महत्वपूर्ण भुमिका निर्वाह गर्ने बताईन् । तालिममा विभिन्न बालविकास केन्द्रलाई विभिन्न आकृतिले सिगार्नको लागि विभिन्न सामग्री बनाउन सिकाउने पनि गौतमले बताईन् ।
Discussion about this post