वसिम अन्सारी
बाँके जेठ ११ गते ।
बिघटित संबिधानसभाका सदस्य मोहम्मद इस्तियाक राईले फ्रन्टलाईनमा खटिने सुरक्षाकर्मीहरुको लागि स्वस्थ्य सामाग्री सहयोग गर्नुभएको छ । पुर्बमन्त्री समेत रहनु भएका राईले कोभिड नियन्त्रण र रोकथाममा खटिएका सुरक्षाकर्मिलाई आज एक कार्यक्रमका बिच जिल्ला प्रहरी कार्यालयको परिसरमा स्वस्थ्य सामाग्री सहयोग गर्नुभएको हो ।
पुर्बमन्त्री राईले दिएको सो सामाग्री जिल्ला प्रहरी कार्यालय बाँकेका प्रहरी उपरीक्षक प्रहरी प्रमुख एसपी ओम बहादुर रानाले ग्रहण गर्नु भयो । उक्त हस्तान्तरण कार्यक्रममा बोल्दै एसपी रानाले राईलाई धन्यवाद ज्ञापन गर्नुभयो । एसपी रानाले स्वास्थ्य सामाग्रीले सुरुक्षाकर्मीलाई कोभिडबाट जोगिन सहज हुने बिश्वास व्यक्त गर्नु भयो । एसपी रानाले भन्नुभयो- `यसरी सबैले साथ र सहयोग दिए भने प्रहरीलाई हौसला मिल्ने छ ।´
जनता समाजवादी पार्टी नेपाल लुम्बिनी प्रदेश कमिटि सदस्य माजिद अलि र विद्यार्थी अध्यक्ष फैज हैदरले स्वस्थ्य सामाग्री रानालाई हस्तान्तरण गर्नुभएको छ । जिल्ला प्रहरी कार्यालयलाई सर्जिकल मास्क ४ हजार र १० लिटर सेनिटाइजर त्यतै वडा प्रहरी कार्यालयलाई १ हजार सर्जिकल मास्क र ५ लिटर सेनिटाइजर सहयोग गरेको जसपाका जिल्ला अध्यक्ष कमरुद्दिन राईले जानकारी दिनुभयो ।
पहिलो लहरमा पनि पुर्बमन्त्री राई ठूलो परिमाणमा स्वस्थ्य सामाग्री र राहत वितरण गर्नुभएको थियो ।
Discussion about this post