चोरी मुद्धामा संलग्न फरार प्रतिवादी प्रहरीको फन्दामा

वसिम अन्सारी
बाँके जेठ २५ गते ।
जिल्ला प्रहरी कार्यालय बाँकेले सुरु गरेको फरार अभियुक्त पक्राउ गर्ने अभियान अन्तगर्त थप एकजना पक्राउ परेका छन् । चोरी मुद्दामा संलग्न भइ दोषी ठहर भएपछि फरार भएका बैजनाथ गाउँपालिका २ का १८ वर्षीय प्रकाश रानामगरलाई पक्राउ गरिएको प्रहरीले जनाएको छ ।

गएको कार्तिक २० गते मगरलाई जिल्ला अदलातले १ महिना २९ दिन दोषी ठहर गर्दै ९ हजार जरिवानाको फैसला सुनाएको थियो । त्यसपछि उनी फरार थिए । उनलाई पक्राउपछि उनलाई जिल्ला अदालतमा बुझाइएको छ ।

अहिलेसम्म ५८७ जना अभियुक्त पक्राउ पर्न सफल भएको बाँकेका एसपी ओम राणाले जानकारी दिनुभयो । उहाँका अनुसार, यो अभियानमा फरार अभियुक्त धमाधम पक्राउ परिरहेका छन् ।

ADVERTISEMENT