विद्यालय बन्द घरमा परीक्षा, मनोमानी असुलीपछि अभिभावक आक्रोशित, शिक्षा र प्रशासन उदासीन
बाँके जेठ २६ गते ।
कोरोना सन्त्राससँगै बन्द भएका बाँकेका नीजि विद्यालयमा लकडाउनकै समयमा वेथिती बढेको देखिएको छ । लकडाउनका बेला अनलाइन कक्षाका निहुँमा यहाँका नीजि विद्यालयले अभिभावकबाट मोटो रकम असुली गर्देै आएको खुलेको छ ।
बाँकेका चर्चित आदर्श, एविसी, जिभिएन, प्रभात, ज्ञानोदय लगायतका अधिकाशं विद्यालयले समेत मनोमानी ढंगबाट शुल्क असुली गर्दै आएको अभिभावकले बताएका छन ।
यसअघिमा यी विद्यालयले अनलाइन कक्षा थालेको र यस वापतको शुल्क भन्दै खेलकुददेखि कम्प्युटर प्रयोग हुँदै प्रयोगशाालको समेत रकम असुली गरेको अभिभावक बताउँछन । जहाँ कि विद्यालयले यी बस्तुको उपभोग गर्न पाएका छैनन ।
बाँकेका नीजि विद्यालयले दोस्रो चरणको कोरोनापछि विद्यालय बन्द भएपनि अनलाइन कक्षाका निहुँमा चैत्रदेखि जेठसम्मको शुल्क असुल गरिरहेको अभिभावक पूर्ण ढकाल बताउँछन ।
बाँकेमा ठूला निजि विद्यालयले समेत सरकारको नीति नियमको उल्लङ्घन गर्दै चरम असुली गरेका छन् । अनलाईन कक्षा नियमित पठनपाठनमा लागेका विद्यार्थीलाई समेत अनलाइनका नाममा तनाव मात्र बढेको अभिभावकको गुनासो छ । अनलाइन कक्षाको कुनै उपलब्धि नदेखिएको अभिभावक बताउँछन ।
मेरा छोरीहरूले आफ्नो हिसाबले अध्ययन गरिरहेका थिए नेपालगन्जका एक अभिभावकले भने ‘स्कुलले अनलाइन सुरु गर्ने भनेपछि आफ्नो अध्ययन छाडेर स्कुलको अनलाइन पर्खिंदा समय गएको छ ।’ उनले भने, ‘स्कुलको हल्ला बढी, व्यवस्थापन कमजोर छ, टाइममा सुरु हुँदैन, भए पनि त्यसको खासै रिजल्ट छैन, बच्चाले झनै दुःख पाए, तनाव बढ्यो ।’
अनलाइन शिक्षा समयसापेक्ष भए पनि व्यवस्थापन राम्रो नभएको उनको गुनासो छ । लामो समयदेखि बन्द रहेका संस्थागत विद्यालयले अहिले आएर अभिभावकबाट मनपरी रुपले शुल्क असुल्न थालेका हुन् ।
अधिकांस स्कुलले पढाई नै नभएको महिनाको शुल्क अभिभावकलाई मागेका छन्, भने कतिपय स्कुलले दैनिक एक घण्टा अनलाईन कक्षा चलाएको निहुँमा मासिक रुपले पुरै शुल्क असुलेको अभिभावकको गुनासो रहेको छ ।
बाँकेका बोर्डिङ स्कुलको शुल्क आतंकका कारण अभिभावक तनावमा छन् । नेपालगन्ज फुल्टेक्रा निवासी एक अभिभावकले कक्षा ३ मा पढ्ने आफ्नो छोराको एक घण्टे अनलाईन कक्षाका लागि स्कुलले मासिक २ हजार ५ सय रुपैयाँका दरले शुल्क मागेको दुखेसो पोखेका छन ।
कोरोना भाइरस महामारीले अभिभावकको आर्थिक अवस्था कमजोर भइरहेका बेला बोर्डिङ स्कुलले नपढाएको शुल्क मागेर आतंक मच्चाइरहेको उनी बताउँछछन ।
यहाँका कतिपय स्कुलले तत्काल त्रैमासिक परीक्षा सञ्चालन गर्ने तयारी गरिरहेका छन् ।
परीक्षा सञ्चालनका लागि पुरा गर्नुपर्ने न्यूनतम कोर्स भने पुरा भएको छैन । कतिपयले परिक्षा चलाईरहेका छन । विद्यालय बन्द छन घरमा विद्यालर्थीलाई प्रश्न पत्र पठाएर परिक्षा लिइदै आएको भेटिएको छ ।
ती स्कुलले कुनैपनि पठन पाठनमा सामेल नभएका विद्यार्थीलाई एक्कासी परीक्षामा सामेल गराउने र सोही परीक्षाको निहुँमा मनपरी शुल्क असुल्ने माध्यम बनाएको देखिएको छ । यहाँका स्कुलको शुल्क आतंकलाई नियन्त्रण तथा नियमन गर्नमा बाँके शिक्षा र बाँके प्रशासन लगायतका सम्बन्धीत निकाय उदासीन छन ।
Discussion about this post