बाँके साउन ९ गते ।
नेपालगन्जमा विद्युत समस्या चर्किएको छ । झयापझयाप बत्ती जान थालेपछि नगरबासी आक्रोशित भएका छन् । नेपालगन्जको अनियमित विद्युत समस्या १० दिनभित्रै सल्टाउने प्रतिबद्धता जनाएको विद्युत प्राधिकरणले त्यसको तीन साता वित्नै लाग्दा समेत समस्या सुल्झिन सकेको छैन् ।
गर्मीयाम बढेसँगै अघोषित लोडसेडिङ अन्त्य हुनु पर्ने माग राखेर असार तेस्रो साता सिडियो कार्यालयमा बाँकेका सरोकारवालासँग विद्युत प्राधिकरणका प्रमुख लाखन लाला मालिकले १० दिनभित्र समस्या सल्टाउने प्रतिबद्धता जनाउनुभएको थियो ।
तर समस्या समाधान भने हुन सकेको छैन् । ५÷५ मिनेटमा विद्युत अनियमित हुन थालेपछि यहाँका हरेक क्षेत्र प्रभावित भएका छन् । अनलाइन कक्षा लिने विद्यार्थीदेखि उद्योग व्यवसायीलाई ठूलो समस्या परेको छ । विद्युत प्राधिकरणका प्रमुखले भने फोनै नउठाउने गरेको नागरिकहरु गुनासो सुनाउछन् ।
सामाजिक संजालमा समेत प्राधिकरणप्रति आक्रोस पोखिएका छन् । सन्तोगा गुप्ताले विजुलीको वील पुरै तिर्नु पर्ने तर वत्ति भने नदिने भनेर प्रश्न गरेका छन् । यस्तै आशिष रावलले नेपालगन्जको विद्युत प्राधिकरण मुर्दावाद भनेर लेखेका छन् ।
Discussion about this post