समाजवादी मुस्लिम संघले भन्यो–‘गुठीको १६ वर्षको हिसावकिताव खोइ ?’

बाँके साउन ३० गते ।
नेपालगन्ज उपमहानगरपालिका १७ परसपुर स्थित सहादत मस्जिद गुठी इदगाह करवला व्यवस्थापन समिति गठन भयो । १६ वर्षपछि गुठीले नयाँ नेतृत्व पायो । कौसर अलि वेहना अध्यक्षमा चयन भए । वडाअध्यक्ष अजय पाठकको रोहवरमा वेहना अध्यक्ष भए ।

पछिल्लो समय गुठीको जग्गाको बिषयमा अहिले विभिन्न खाले आरोप प्रत्यारोप भइरहेका छन् । सो गुठीलाई निजामुद्दिन इद्रीसीको पुर्खाले जग्गा दान गर्नुभएको थियो ।

सहादत मस्जिद गुठीको नाममा दर्ता भएको उक्त जग्गाका बिषयमा राजनीतिकरण गरिएको भन्दै नेपाल मुस्लिम इतेहाद संगठनले दुख व्यक्त गरेको छ । संगठनका अध्यक्ष उमर हलवाई कबाडीले विज्ञप्ती निकालेर समाजमा यस्ता झै झगडा गराउने क्रियाकलाप नगर्न नगराउन उहाँको आग्रह छ ।

तर समाजवादी मुस्लिम संघले भने इद्रीसीले गुठीलाई एक्लौटी र मनोमानी तरिकाले चलाएको बताएको छ । गुठीलाई आफ्नो जिनी सम्पति झै गरेर इद्रीसीले चलाएका कारण उहाँलाई विस्थापित गरेर नयाँ नेतृत्व आएको पनि संघले जनाएको छ ।