मोटरसाइकल चोरी गर्ने तीन जना पक्राउ

बाँके भदौ ३ गते ।
बाँकेको कोहलपुरबाट मोटरसाइकल चोरीमा संलग्न तीन जनालाई रंगेहात प्रहरीले पक्राउ गरेको छ । रुकुम पश्चिमको चौरजहारी नगरपालिका–११ का १८ वर्षीय अनुप चन्द, २० वर्षीय सुन्दर मल्ल र १८ वर्षीय अम्मर बिकलाई आज विहान पौने तीन बजेतिर पक्राउ गरिएको बाँकेका डिएसपी मधुसुदन न्यौपानले जानकारी दिनुभयो ।

कोहलपुर नगरपालिका–११ स्थित बसपार्कको पूर्वतर्फको सडकबाट चोरीको भे.३.प ६००४ नम्वरको डिस्कभर मोटरसाईकल सहित उनीहरु पक्राउ परेका हुन् ।

उक्त मोटरसाइकल चोरी भएको भन्दै पीडितले दिएको उजुरीका आधारमा प्रहरीले खोजी गर्दै जानेक्रममा उनीहरु प्रहरीको फन्दामा परेको डिएसपी न्यौपानेको भनाइ छ ।

पक्राउ परेकाको साथबाट विभिन्न मोटरसाइकलका पाटपुर्जा समेत बरामद गरिएको प्रहरीले जनाएको छ । केही दिन देखि कोहलपुरमा मोटरसाइकल चोरीका घटना बढेका छन् ।