बाँके असोज ९ गते ।
नेपालगञ्ज इलेक्ट्रिकल एसोसिएसन बाँकेको सातौं वार्षिक साधारणसभा एंव चौथो अधिवेशन शनिबार सम्पन्न भएको छ । नेपालगञ्ज इलेक्ट्रिकल एसोसिएसनका अध्यक्ष शिवराज रिजालको अध्यक्षता तथा नेपाल बिद्युतिय व्यवासायी महासंघका केन्द्रिय अध्यक्ष सुदर्शन प्रसाद पौडेलको प्रमुख आथित्यमा साधरणसभा सम्पन्न भएको हो ।
कार्यक्रममा बोल्दै प्रमुख अथिति पौडेलले कोरोना महामारीका कारण हरेक क्षेत्र प्रभावित भएजस्तै विद्युतिय व्यापारी पनि प्रभावित भएको बताउनुभयो ।
उहाँले विद्युतिय व्यापारीको समस्या, समाधान र त्यसको सम्वोधनका लागि आफुहरु प्रतिबद्धत रहेको पनि बताउनुभयो ।
महासंघका प्रथम उपाध्यक्ष रेशम देवकोटाले विद्युतिय व्यापारीका ऐन नियममा समस्या रहेको भन्दै त्यसलाई फुकाउन जरुरी रहेको बताउनुभयो ।
उहाँले नीतिगत समस्या समाधानको आफुहरु सरकारसँग लागि परेको बताउनुभयो ।
नेपालगन्ज उद्योग वाणिज्य संघका अध्यक्ष अब्दुल वाहिद मन्सुरीले विद्युतिय व्यापारीको लागि संघ सधै साथमा रहेको बताउनुभयो । कार्यक्रममा सचिव दामोदर सापकोटाले वार्षिक प्रतिवेदन प्रस्तुत गर्नुभएको थियो ।
कार्यक्रममा इलेक्ट्रिकल एशोसिएसनका महासचिव चिरञ्जीवि वली, जुत्ता चप्पल व्यवसायी संघका अध्यक्ष कमलप्रसाद पौडेल, रुपन्देही विद्युतिय व्यवासयी संघका अध्यक्ष हरिहर ज्ञवाली, पत्रकार महासंघका अध्यक्ष दामोदर भण्डारीलगायतले आ-आफ्नो धारणा राख्नुभएको थियो ।
कार्यक्रममा मायाको चिनो समेत प्रदान गरिएको थियो ।
उक्त कार्यक्रम संचालन ओबिराज आचार्यले गर्नुभएको थियो ।
Discussion about this post