बाँके असोज ९ गते ।
नेपाल राष्ट्रिय उद्योग ब्यापार संगठनको जिम्मेवारी र भुमिका एवंम उद्देश्य हाम्रो बिधान तथा राजनितिक प्रतिवेदनमा उल्लेख गरिएकै छ । त्यसैलाई मैले केही थप स्पष्ट उल्लेख गर्न चाहन्छु । यो संगठन परिश्रमिक व्यवसाय र राष्ट्रियताको पक्षमा उभिने स्वाभिमान व्यावसायी उद्योगीहरुको प्रिय संगठन हो ।
जसले सामान्य व्यावसायी देखि राष्ट्रिय पुजिपति सम्मको बिकास र संरक्षण गर्ने उद्देश्य राख्दछ ।
हाम्रो मुलुकमा साना र मझ्यौला खाले उद्योगी र व्यावसायीहरु अलि चुनौतिपुर्ण अवस्थामा रहने गरेका छन ।
बिशेषत: पुजि थोरै लगानि हुने गर्छ भने त्यसमा पनि राज्यले यि व्यावसायीहरुलाई फस्टाउन कुनै सबसिटी छुट्याउने वा हटाउने गरेको छैन ।
हाम्रो नेपालगंज झनै भारतिय नाका नजिकमा अवस्थित रहेको छ । जहाँ राज्यका निकायहरुमा दलाल, व्यावसायीले सेटिङ गरेर कैयौ मालसामानहरु ओसार्ने मानिसहरु लगाएर राजश्व ठगेर सामानहरु भित्र्याउने गर्दछन ।
अनि ति व्यावसायीहरुले होलसेलमा र फुट्कर ग्राहकहरुलाई पनि एकै मुल्यमा बिक्रि बितरण गर्दछन, त्यसपछि राजश्व तिरेर ल्याएको ब्याबसायीले कसरी प्रतिस्पर्धा गर्छ ? यहाँ उद्योगी व्यावसायीहरुलाई ठगेर कमाउने र कमाएको पुजि बाहिरी देशमा लिएर लगानी गर्नेको संख्यामा कमि छैन ।
त्यति मात्र हैन बैँकका कर्मचारीहरु संग मिलेर थोरै धितो राख्ने धेरै पैसा निकाल्ने त्यसबाट आएको मुनाफा बिदेश लिएर थुपार्ने र ब्याज नतिरी बैँक नै डुबाउने गर्दछन । त्यस्ता उद्योगी व्यावसायीहरु हाम्रो नेपालगंजमा थुप्रै रहेका छन ।
मैले यहाँ भन्न खोजेको के हो भने नेपाल नेपाल राष्ट्रिय उद्योग ब्यापार संगठनले दलाल पुजिपति र राज्यका कतिपय दलाल पुजिपतिहरुलाई सेवा गर्ने क्रियाकलापको बिरोध गर्दछ भने साना ब्यापारी, उद्योगी देखि राष्ट्रिय पुजिपतिको पक्षमा संघर्ष गर्दछ ।
राष्ट्रिय आत्मनिर्भर पुजिको बिकास गर्न चाहन्छ । राष्ट्रियता, लोकतन्त्र र गणतन्त्र प्रति प्रतिबधता जाहेर गर्दछ ।
अर्को कुरा आर्थीक समृद्धि र राष्ट्रिय आत्मनिर्भर अर्थतन्त्रको बिकास गर्नलाई महिला उद्यमी ब्याबसायीहरुको बिकास गर्नु पर्ने भन्ने मान्यता राख्दछ ।
जनसंख्याको हिसाबले हेर्ने हो भने मुलुकको आधा जनसंख्या महिलाको रहेको छ तर अधिकारको हिसाबले हेर्दा अझैपनि ३० प्रतिशतले मात्रै राजनैतिक दल र सत्तामा रहेका छन । तर कार्यपालिकामा कहिलेकाही मात्र पुग्ने गर्दछ ।
व्यवसायमा महिलाहरुको उपस्थिति त कुरै नगर्ने अवस्था रहेका छन । राज्यले दिएको कतिपय कर छुटको केही सहुलियत लिनको लागि चलाख व्यावसायीले आफ्नो परिवार वा आफन्तको नाममा दर्ता गरेको पाईन्छ । त्यसरी व्यवसाय उद्योग आफै गर्न अनुमति लिई ब्यबसाय गर्ने निकै कम होलान जस्तो लाग्दछ ।
हालै अर्थ मन्त्री मा.जनार्दन शार्माले प्रतिस्थापन गरेको बजेटमा “महिला” पहिले र बिना धितो महिला उद्यमी ब्यावसायीलाई ऋण प्रदान गर्ने कार्यक्रम आयो । यो महिला उद्यमी व्यावसायीक समुहगत ढंगबाट थप व्यवसायी बन्न मद्दत पुग्छ । यसरी नै राज्यले महिला उद्यमी व्यावसायीहरुलाई अगाडी बढाउने कार्यक्रम ल्याउने गर्दछ ।
अनि महिला व्यावसायीहरुमा देखिने आत्मनिर्भरता त सहभागिताले राष्ट्रिय समृद्धि हुन्छ भन्ने मान्यता राख्दछ ।
त्यसैगरी युवाहरुलाई व्यावसायमा आकर्षण गर्ने दायित्व पनि राज्यको हो, दुनियामा सबैभन्दा उर्जाशिल र कडा परिश्रम गर्न सक्ने क्षमता भएका ब्यक्तिहरु युवा हुन ।
ति युवा आज देशमा काम नपाएर बिदेशमा श्रम बेचिरहेका छन । ति युवालाई नेपालमा आफै व्यावसाय गर्न र आफै श्रम गर्ने ब्यबस्था गर्नुपर्छ भन्ने हाम्रो संगठनको मान्यता हो ।
अहिले सरकारले ल्याएको प्रतिस्थापन बजेटबाट एउटा स्थानिय तहमा ५०० युवालाई सस्तो ब्याजमा रकम उपलब्ध गराउने घोषणा गरेको छ ।
युवाहरुलाई लक्षित गरी ल्याईएको उक्त उत्पादन तथा श्रमको कार्यक्रमको सफलताको पुर्ण कार्यान्वयन होस भन्न चाहन्छु ।
हाम्रो संगठन नेपाल राष्ट्रिय उद्योग ब्यापार संगठनको राष्ट्रिय आत्मनिर्भर, राष्ट्रिय स्वाभीमान, राष्ट्रिय अखण्डता, लोकतन्त्रको पक्षमा उभिन्छ । आउनुहोस साना उद्योगी व्यावसायी, महिला, युवा र राष्ट्रका लागि समर्पित राष्ट्रिय उद्योगी व्यावसायीहरु गोलबन्द होउ र राष्ट्रिय समृद्धि तथा उद्योगी व्यावसायीहरुको हितका लागि तयार होउ ।
नेपाल राष्रिरिय उद्योग ब्यापार संगठन बाँकेको यहि २०७८ असोज ९ गते तेस्रो जिल्ला अधिवेशन सम्पन्न हुँदै छ । उक्त दिन हुने तेस्रो बाँके जिल्ला अधिवेशन भब्यताका साथ सम्पन्न होस भन्ने शुभकामना ब्यक्त गर्दछु ।
कल्पना शर्मा
नेपाल राष्ट्रिय उद्योग ब्यापार संगठन
केन्द्रिय तथा सचिवालय सदस्य,
बाँके जिल्ला महिला उपाध्यक्ष
Discussion about this post