सुदूरपश्चिम असोज १४ गते ।
सुदूरपश्चिम प्रदेशको भौतिक पूर्वाधार विकास मन्त्रालय अन्तर्गत गठित पूर्वाधार विकास कार्यालयहरुले सार्वजनिक खरिद नियमावली विपरीत गएर निर्माण सामग्रीको गुणस्तर परीक्षण नगराएरै करोडौँ रुपैयाँ भुक्तानी गरेको देखिएको छ ।
सार्वजनिक खरिद नियमावली २०६४ को नियम १११ मा सम्झौता तथा स्पेशिफिकेसन बमोजिम निर्माण कार्यको गुणस्तर व्यवस्थापन तथा गुणस्तर परिक्षण गर्नुपर्ने व्यवस्था छ ।
तर पूर्वाधार कार्यालय बैतडी, कैलाली, डडेल्धुरा र अछामले भने गुणस्तर परीक्षणबिना नै निर्माण कार्यमा ४० करोड १४ लाख ४१ हजार खर्च गरेको पाइएको छ । यो नियमावली विपरीत गएर खर्च गरिएको रकम हो ।
तर त्यति ठुलो रकम गुणस्तर परीक्षणबिना खर्च नभएको पूर्वाधार विकास कार्यालय बैतडीका प्रमुख जगतप्रकाश जोशीको दाबी छ । निर्माण सामग्रीको गुणस्तर परीक्षण अन्तर्गत स्पेशिफिकेसनमा तोकिएको संख्यामा सिमेन्ट, डण्डी, इट्टा, गिट्टी, ढुंगा, बालुवा, जिआई तार, माटो, विटुमिन, कम्प्याक्सन, पाइप, कंक्रिट क्युव लगायत सामग्रीको परिक्षण गर्नुपर्ने व्यवस्था छ ।
तर पूर्वाधार विकास कार्यालय कैलाली, डडेल्धुरा र अछामले सडक तथा पुलको ठेक्कामा ६० करोड ९ लाख ८६ हजार गुणस्तर परीक्षण नगराएरै भुक्तानी दिएको छ ।
Discussion about this post