जावेद अन्सारी
बाँके असोज १४ गते ।
जमुनाह नाकामा खटिएका १७ जना प्रहरीलाई जिल्ला तानेर नाकामा हुने गुनासोलाई सम्वोधन गरेको बाँके प्रहरीले जमुनाह नाकालाई थप व्यवस्थित गर्ने प्रयास गरेको छ ।
बाँकेका एसपी श्यामकृष्ण अधिकारी र डिएसपी मधुसुदन न्यौपाने नाकामा आफै खटिएर त्यसको व्यवस्थापनलाई प्रभावकारी ढंगबाट अघि बढाउने प्रयास गर्नुभएको हो।
पहिलो पटक नाकामा एकैसाथ १७ जना प्रहरी जिल्ला तानेर त्यहाँ अर्को टोली परिचालन गरिएको छ।
भारतबाट फर्किने कालापहाडेहरुलाई दुख दिने, पैसा अशुल्नेलगायतका क्रियाकलापमा नेपाल प्रहरीनै संलग्न भएको गुनासो आएपछि एसपी अधिकारी र डिएसपी न्यौपानेले सादा पोषाकमा हिंजो छड्के अनुगमन गर्नुभएको थियो ।
नाकाबाट दैनिक १५ सय देखि २ हजार मानिसहरु स्वदेश फर्किरहेका छन् । रोजगारीको शिलशिलामा भारतका विभिन्न स्थानमा पुगेका नेपालीहरु दसैं मनाउन घर फर्किदा नाकामा भीडभाड रहेको छ । त्यसलाई व्यवस्थित गराउने सवालमा अहिले एसपी र डिएसपी नाका केन्द्रीत हुनुभएको छ ।
भारतबाट फर्किने नेपालीहरुलाई सहज र सुरक्षित तरिकाबाट गन्तव्यसम्म पुर्याउन आफुहरु लागि परेको एसपी अधिकारीले बताउनुभयो ।
यस्तै डिएसपी न्यौपानेले नाकामा भीडभाड बढी हुने भएकाले नागरिक सहायत केन्द्र थप गर्ने तयारी भइरहेको बताउनुभयो ।
नाकाबाट दैनिक १५ सय देखि २ हजार मानिसहरु भित्रिरहेका छन् ।
जस्का कारण नाकामा भीडभाड बढी छ । यसले कोरोना भाइरसको जोखिम पनि बढाएको छ ।
Discussion about this post