बाँके असोज १९ गते ।
बाँके प्रहरीले तीन महिनाको प्रगति विवरण प्रस्तुत गरेको छ । आज जिल्ला प्रहरी कार्यालयले सार्वजनिक सुनुवाई कार्यक्रमको आयोजनागरी एसपी श्यामकृष्ण अधिकारीले असार १८ गतेदेखि असोज १८ गतेसम्मको प्रगति विवरण प्रस्तुत गर्नुभएको हो । यो अवधिमा १ हजार ५ सय ५० जनालाई सेवा दिइएको उहाँले जानकारी दिनुभयो ।
जवकी अघिल्लो वर्ष यही अवधिमा ७ सय ८० जनाले सेवा लिएका थिए । यस्तै यो अवधिमा २ सय ३७ मुद्दा दर्ता भएका छन् । एसपी अधिकारीले अघिल्लो वर्षको यो अवधि भन्दा पक्राउ पर्नेको संख्या भने दोब्बरले बढेको छ ।
अघिल्लो वर्ष २ सय ६३ जना पक्राउ परेकोमा यो अवधिमा अहिले ३६५ जना पक्राउ परेका छन् । यस्तै फैसला कार्यान्वयनलाई पनि प्रभावकारी ढंगबाट अगाडि लगिएको उहाँको भनाइ छ ।
गत वर्ष ३ सय १२ जना पक्राउ परेका थिए भने त्यही अवधिमा अहिले ९ जनामात्रै पक्राउ परेका छन् । गत वर्ष २२ वर्ष ६ महिना ११ दिन कैद असुल उपर गर्दै ६ लाख ५० हजार जरिवाना उठेको थियो भने अहिले १४ वर्ष ८ महिना ११ दिन कैद असुल हुँदै ११ लाख ७५ हजार जरिवाना असुल भएको छ ।
यस्तै यो अवधिमा २ करोड ७८ लाखको राजश्व संकलन भएको पनि एसपी अधिकारीले बताउनुभयो । यस्तै डिएसपी मधुसुदन न्यौपानेले भारतबाट भन्सार छलिका अवैध सामान बरामदबाट राजश्व असुली भएको जानकारी दिनुभयोे ।
कार्यक्रममा सहभागी स्थानीयले प्रहरीले आफ्नो आचरण र व्यवहारलाई सुधार गर्दै जनतामैत्री सेवा दिनुपर्ने माग गरेका थिए । उद्योग बाणिज्य संघका पूर्वअध्यक्षद्धय कृष्णप्रसाद श्रेष्ठ, नन्दलाल बैश्य, महासंघका महासचिव चिरञ्जीवि ओलीलगायतले आआफ्नो धारणा राख्नुभएको थियो ।
Discussion about this post