बाँके असोज २० गते ।
आज ६६ औँ प्रहरी दिवसका अवसरमा बाँके प्रहरीले विभिन्न कार्यक्रमको आयोजना गरेको छ । दिवसको अवसरमा उत्कृष्ठ काम गरे वापत २६ जना प्रहरी कर्मचारी पुरस्कृत भएका छन् ।
इलाका प्रहरी कार्यालय कोहलपुरका प्रमुख डिएसपी रविन्द्र खनालसहित जुनियर प्रहरी अधिकृत तथा जवान पुरस्कृत भएका हुन् ।
पुरष्कृतहरुलाई नगद र प्रमाणपत्र प्रदान गरिएको जिप्रका बाँकेका प्रवक्ता मधुसुदन न्यौपानेले जानकारी दिनुभयो । सोही समारोहमा नेपाल प्रहरीलाई विभिन्न कोणबाट सहयोग पु¥याउने नागरिक समाजलाई पनि पुरस्कृत गरिएको छ ।
यस्तै ‘लागु औषधविरुद्धको निस्तेज महाअभियान’ स्मारिका पनि विमोचन गरिएको जिप्रका बाँकेले जनाएको छ । कार्यक्रममा अमर प्रहरीप्रति श्रद्धा–सुमन गरिएको थियो ।
जिल्ला प्रहरी कार्यालय बाँकेका प्रमुख श्यामकृष्ण अधिकारीको अध्यक्षतामा भएको कार्यक्रममा बाँकेका प्रमुख जिल्ला अधिकारी गेलाल, राप्ती सोनारी गाउँपालिका उपाध्यक्ष धनीकुमारी खत्री, खजुरा गाउँपालिका उपाध्यक्ष एकमाया बि.क, नेपाल पत्रकार महासंघ बाँकेका अध्यक्ष दामोदर भण्डारी, हिन्दु धर्मगुरु चन्दननाथ योगी, मुस्लिम धर्मगुरु मौलाना अब्दुल जब्बार मन्जरी लगायत अतिथी एवम भुतपुर्ब प्रहरी, अमर प्रहरी परिवार लगायतको उपस्थिति रहेको थियो ।
भिडियो सहित
Discussion about this post