खोजखबर संवाददाता
बाँके असोज ४ गते । धानको चामल धानैको चिउरा मायालुलाई सम्झना के दिउँ र”यो मिठो लोकदोहोरी भाकामा एक्सन हिरो निखिल उप्रेती पहिलो पटक मजाले नाचेर देखिएका छन् ।करिब दुई वर्षदेखि चलचित्रको पर्दामा नदेखिएका निखिल उप्रेतीले गायिका कला लम्सालको ‘धानको चामल धानैको चिउरा…’ बोलको गीतमा कम्मर मर्काएका छन् । गीतमा नायक निखिल र गायिका कलाले अभिनय गरेका छन् ।
गीतमा बद्री पँगेनी, कला लम्साल र चन्द्र शर्माले स्वर दिएका छन् । रमेश बिसीले रचना रहेको गीतमा तिलक ओलीले संगीत भरेका छन । निखिलले फरक अनुभवका लागि लोकगीतमा अभिनय गरेको बताएका छन् । ‘खाली समयको सदुपयोगका लागि लोकगीतमा अभिनय गरेको हुँ,निखिले बताए ।’
गीतको भिडियो चर्चित नृत्य निर्देशन शिव बिकले निर्देशन तथा कोरियोग्राफी गरेका हुन् । अशोककुमार खिचेको भिडियोलाई मिलन बिश्वकर्माले सम्पादन गरेका हुन् ।
Discussion about this post