जावेद अन्सारी
बाँके कार्तिक १३ गते ।
एक महिना अघिसम्म नेपालगन्जको त्रिभुवन चोकदेखि त्रिभुवेणीमोडसम्म अटो रिक्सा र चारपाङ्ग्रे सवारीसाधनलाई पूर्णरुपमा रोक लगाइयो । कारण थियो, उक्त क्षेत्रमा बढी भिडभाड हुने र ट्राफिक व्यवस्थापन अस्तव्यस्त हुँदा हुन सक्ने दुर्घटना र ट्राफिक जाँम ।
विहान ८ बजेदेखि बेलुका ८ बजेसम्मै ती सवारीसाधनलाई पूर्णरुपमै बन्देज गरिएपछि उक्त सडक व्यवस्थित भएको थियो । तर जिल्ला ट्राफिक कार्यालयमा काजमा ऐनबहादुर मल्ल आएपछि भने उक्त रुढ अस्तव्यस्त भएको त छनै न पहिलेको नियम कायम भएको न त नयाँ नियमनै लागु भएको छ ।
नेपालगन्ज पोष्टमा लक्ष्मण ऐयर छन् । उनी पनि व्यवस्थित गर्ने सवालमा मौनता साँधेर बसिरकेका छन् । डिउटीमा खटिने ट्राफिकहरु सडक छेउमा मोवाइलमा गफिएर घण्टौ विताइदिन्छ ।
त्रिभुवन चोकका अधिकांश व्यापारी तथा स्थानीय भन्छन्–‘यहाँ ट्राफिक प्रहरी भएनभएको केही अर्थ छैन् ।’ धम्वोझिबाट सेतुविक चोक क्षेत्र होस् वा घरवारी टोल नै किन नहोस् अधिकांशमा भिडभाड हुने क्षेत्रमा ट्राफिक प्रहरीको उपस्थिति छैन् ।
तर कमाउ हुने ठाउँमा भने ट्राफिक प्रहरी अवेरसम्म देखिने गरेको छ । ‘ट्राफिकको जिल्ला नेतृत्वको पोष्ट समालेका कमाण्डरहरुको अविगति कस्तो छ त्यो त तपाईहरुलाई भन्नै पर्दैन नि एकजना ट्राफिकका अधिकृतस्तरका अधिकारी भन्छन्–‘सबै ठाउँ मिलाउनु पर्छ हजुर गाह्रो छ ।’
ट्राफिक प्रहरीमा असुली संस्थागत हुँदा नेपालगन्ज, कोहलपुर, खजुरालगायतका क्षेत्रमा सर्वसाधरणले सास्ती खेप्नु त परेको छ नै दुर्घटनाका घटनाहरु पनि भइरहेका छन् ।
Discussion about this post