बाँके, भदौ ९ गते ।
मोहम्मद जयन्तीको अवसरमा नेपालगन्ज उपमहानगरपालिका क्षेत्रभित्रका सबै विद्यालय बुधबार बन्द हुने भएका छन्।
नेपालगन्ज उपमहानगरपालिकाको शिक्षा, युवा तथा खेलकुद महाशाखाले सूचना जारी गर्दै भदौ १० गते मोहम्मद जयन्तीका अवसरमा सामुदायिक, संस्थागत तथा धार्मिक विद्यालयमा विदा दिने जनाएको छ।
महाशाखाका वरिष्ठ शिक्षा अधिकृत लोकेन्द्रबहादुर शाहीले मोहम्मद जयन्तीका अवसरमा उपमहानगरपालिका क्षेत्रभित्रका सबै विद्यालयमा विदा हुने बताए।
उनका अनुसार भदौ १० गते विद्यालयमा नियमित पठनपाठन सञ्चालन हुने छैन। विदा सम्बन्धी निर्णय सबै सामुदायिक, संस्थागत तथा धार्मिक विद्यालयमा लागू हुने उनले बताए।
ADVERTISEMENT
Discussion about this post