बाँके कार्तिक २७ गते ।
नेपालगन्ज उपमहानगरपालिका र लाइफ लाइन जनरल हस्पिटल प्रालिले नेपालगन्जमा निः शुल्क स्वास्थ्य जाँच तथा परामर्श सेवा सुरु भएको छ ।
प्रत्येक साताको शनिवार यो सेवा सुरु गरिएको प्रालिका फिजिसियन डा पारश श्रेष्ठले जानकारी दिनुभयो । निशुल्क जाँचसँगै औषधि समेत शनिवार निशुल्क वितरण गरिने गरिएको उहाँको भनाइ छ।
फिजिसियनसेवा सँगै नाक, कान, घाटी, बालरोग, दन्त सेवा, आँखासँग सम्वन्धित सेवा निशुल्क गरिएको उहाँको भनाइ छ।
विहान १० बजेदेखि दिउँसो १ बजेसम्म सेवा दिने गरिएको छ । नेपालगन्ज उमपहानगरपालिका, स्वास्थ्य कार्यालयलगायतको सहयोगबाट निशुल्क सेवा प्रदान गरिएको फिजिसियन श्रेष्ठले बताउनुभयो ।
खासगरी स्वास्थ्य सचेतना फैलाउने र आर्थिक तथा विपन्न समुदायका सेवाग्राहीहरुलाई निशुल्क स्वास्थ्य जाँच तथा परामर्श सेवाले फाइदा पुर्याएको छ ।
डा श्रेष्ठले व्यवसायगत भन्दा पनि सेवागतरुपमा आफ्नो भूमिका निर्वाह गर्दै आउनुभएको छ । योसँगै उहाँले कोभिड महामारीमा पनि घरघरमा पुगेर सेवा दिनुभएको थियो ।
Discussion about this post