बाँँके माघ १४ गते ।
नेपालगन्ज–कोहलपुर सडक क्षेत्रको अतिक्रमित संरचना हटाउने प्रक्रिया अघि बढ्न सकेको छैन् । डिभिजन सडक कार्यालय नेपालगन्जले पुष मसान्तसम्म स्वस्र्फुतमा अतिक्रमित संरचना हटाउन अल्टिमेटम दिएको थियो । उक्त अवधिभित्र अतिक्रमण नहटाएमा कार्यालयले नै हटाउने चेतावनी दिएको थियो ।
तर उक्त अल्टिमेटमको दुई साता पुग्दा समेत कार्यान्वयन हुन सकेको छैन् । तोकिएको समयमा अतिक्रमण हटाउँदा हुने क्षतिको जिम्मेवार सडक डिभिजन नहुने र अतिक्रमण हटाउँदा लाग्ने खर्च पनि अतिक्रमण गर्ने व्यक्तिबाट भराइने डिभिजन सडकको भनाइ छ ।
डिभिजन सडक कार्यालय नेपालगन्जका प्रमुख होमबहादुर एसीले प्रमुख जिल्ला अधिकारी र आफ्नो स्वास्थ्य उपचारका कारण एक्सनमा जान ढिलाई भएको बताउँनुभयो । बाँकेका प्रमुख जिल्ला अधिकारी सूर्यबहादुर खत्री आँखाको उपचारमा केही दिन काठमाडौंमा जानुभएको थियो भने अहिले एसी आफ्नो दाँतको उपचारका लागि काठमाडांैमा हुनुहुन्छ ।
प्रमुख एसीले उपचार गरेर फर्किसकेपछि तत्काल निर्णय गरेर नियमाअनुसार अतिक्रमण हटाइने बताउनुभयो । सार्वजनिक सडक ऐन २०३१ ले मुख्य राजमार्गको मध्यबिन्दुदेखि २५ मिटर दायाँ बायाँ मुख्य सडक र त्यसको दुबै तर्फ ६–६ मिटर क्षेत्र भित्रमा कुनैपनि संरचना निर्माण गर्न नदिनेगरी निषेध गर्ने एवं त्यस्ता संरचना निर्माण भएमा सडक विभागले हटाउन सक्ने व्यवस्था गरेको छ । तर, डिभिजन सडकले अहिले २५ मिटरका क्षेत्र मात्रै खाली गराउन सूचना जारी गरेको छ ।
Discussion about this post