बाँके फागुन २४ गते ।
नेपाली काँग्रेस बाँकेले पार्टीभित्रको आन्तरिक प्रतिस्पर्धामा हार जीत स्वभाविक भएको भन्दै अव सबै काँग्रेसजन सुदृढ र सवल काँग्रेस बनाउन लाग्नुपर्नेमा जोड दिएको छ । काँग्रेस बाँकेले आज पार्टी कार्यालयमा पत्रकार सम्मेलनको आयोजनागरी काँग्रेस एकतामा जोड दिएको हो ।
काँग्रेस बाँकेका सभापति नारायणप्रसाद गौडेलले सबैलाई अट्ने र सबैलाई जित्ने काँग्रेस बनाउन मेहनत जरुरी रहेको भन्दै त्यसमा आफुनो भगीरथ पर्यत्न हुने बताउनुभयो । पार्टीभित्र मूल्यांकनको परिपाटी बसालिने उल्लेख गर्दै उहाँले स्वाभिमानी काँग्रेस भएर पार्टी जीवनमा अग्रसर हुने वातावरण सिर्जना गरिने बताउनुभयो ।
फरक प्रसंगमा उहाँले आगामी निर्वाचनमा काँग्रेस एक्लै लड्न सक्षम भएपनि संघ र प्रदेशको निर्णयका आधारमा चुनावी गठबन्धन हुने बताउनुभयो । उहाँले अव काँग्रेस बाँकेको ध्यान आगामी स्थानीय तहको निर्वाचनमा केन्द्रीत हुने बताउनुभयो ।चुनावी परिणाम आफ्नो पक्षमा पार्न सबै नेता कार्यकर्ताहरु गाउँगाउँमा परिचालन गर्ने योजनामा काँग्रेस बाँके रहेको पनि उहाँले जानकारी दिनुभयो ।
Discussion about this post