बाँके फागुन २५ गते ।
नेपालगन्जको जमुनाह नाकाबाट प्रहरीले लागुऔंषध ब्राउनसुगरसहित दुइजनालाई पक्राउ गरेको छ ।
पक्राउ पर्नेमा चन्दनाथ नगरपालिका–५ का ३२ वर्षका बिष्णु रावत र तातोपानी गाउँ पालिका–३ का २२ वर्षका भरत रावत रहेको जमुनाह प्रहरीका इन्चार्ज मीनबहादुर बिष्टले जानकारी दिनुभयो ।
उनिहरुको साथबाट प्रहरीले ३ ग्राम ब्राउन सुगर बरामद गरेको जनाएको छ । उनिहरुको गतिविधि शंकास्पद देखिएपछि चेकजाँच गर्ने क्रममा भरतको मुखमा लुकाइराखेको अबस्थामा ब्राउनसुगर बरामद भएको हो ।
जमुनाह प्रहरी चौकी र लागु औंषध नियन्त्रण ब्युरोको संयुक्त टोलीले उनिहरुलाई पक्राउ गरेको हो ।
पक्राउ परेका दुबै जनालाई जिल्ला प्रहरी कार्यालयको हिरासतमा राखेर थप अनुसन्धान भइरहेको पनि प्रहरीले जनाएको छ ।
ADVERTISEMENT
Discussion about this post