बाँके चैत २ गते ।
नेपालगन्ज उपमहानगरपालिकामा हालसम्म ३६ हजार बढीले हात्तीपाइले रोग विरुद्धको औषधि सेवन गरेका छन् । फागुन २८ गतेदेखि हिँजो चैत्र १ गतेसम्म उपमहानगरपालिका भित्र ३६ हजार ६४६ जनाले औषधी सेवन गरेको तथ्यांकमा उल्लेख छ ।
अभियानको पहिलो दिन उपमहानगरपालिका भित्र ७ हजार १०० जनाले औषधी खाएका थिए । त्यस्तै २९ फागुनमा ९ हजार २३९ जनाले र ३० फागुनमा १० हजार ३४२ जनाले औषधी सेवन गरेका थिए ।
हिजो चैत्र १ गते ९ हजार ९६५ जनाले औषधी सेवन गरेको उपमहानगरपालिको दैनिक प्रगति प्रतिवेदनमा उल्लेख छ । औषधि खुवाउने अभियान अझै जारी रहने छ ।
आजसम्म जिल्ला भरिनै घरदैलो अभियान मार्फत औषधी खुवाइनेछ । त्यसपछि पनि अभियान जारी नै रहने स्वास्थ्य कार्यालय बाँकेका हात्तीपाइले रोग फोकलपर्सन दुर्गा गौतमले जानकारी दिनुभयो ।
बाँकेमा ५ लाख ६८ हजार मानिसलाई औषधि दिइने लक्ष्य लिईएको छ । त्यसका लागि ५६० जना स्वास्थ्यकर्मी तथा ७८९ जना महिला स्वास्थ्य स्वयमसेविका परिचालित छन् ।
Discussion about this post