बाँके चैत ८ गते ।
नेपालगन्जको जमुनाह देखि कोहलपुरसम्मको सडक क्षेत्रमा बनेका संरचना हटाउनेबारे आज जिल्ला प्रशासन कार्यालयमा सर्वपक्षिय बैठकको आयोजना गरिएको छ ।
सडक अतिक्रमण हटाउन साझा धारणा निर्माणका लागि सर्वपक्षिय बैठकको आयोजना गरिएको बाँकेका प्रमुख जिल्ला अधिकारी सूर्यबहादुर खत्रीले जानकारी दिनुभयो । सबै राजनीतिक दल, सडक डिभिजन कार्यालय र सरोकारवालाका प्रतिनिधिबीच छलफल हुने उहाँको भनाइ छ ।
सडक डिभिजन कार्यालयले गएको पुष मसान्तभित्र सडक अतिक्रमण हटाउन सूचनामार्फत अल्टिमेटम दिएको थियो । तर चैत पहिलो साता सकिँदा पनि अतिक्रमण हटेको छैन् । सडकको बीच सेन्टरबाट दायाँबायाँँ २५÷२५ मिटरसम्मको अतिक्रमित संरचना हटाउने सडक डिभिजनको तयारी छ ।
जमुनाहदेखि कोहलपुरसम्मको करिव २२ किलोमिटर क्षेत्रमा एक दर्जन सरकारी कार्यालय, आधादर्जन धार्मिक संस्था र करिव साढे सात सय निजी व्यक्तिहरुले सडक अतिक्रमण गरेर संरचना बनाएका छन् ।
Discussion about this post