काठमाडौँ चैत ९ गते ।
नेपाल राष्ट्र बैंकले १५ लाखदेखि २० करोड रुपैयाँसम्म पुनरकर्जा लिन पाउने व्यवस्था गरेको छ ।
बैंकले पुनरकर्जा कार्यविधि संशोधन गर्दै ग्राहकले न्यूनतम दुईदेखि सात प्रतिशतसम्म ब्याजमा १५ लाखदेखि २० करोड रुपैयाँसम्म पुनरकर्जा पाउन सक्ने व्यवस्था गरेको हो ।
पुनरकर्जा कार्यविधि २०७७ लाई संशोधन गरिएको र नयाँ व्यवस्थाअनुसार पुनरकर्जा उपलब्ध गराउन राष्ट्र बैंकले अनुमति प्राप्त सबै बैंक तथा वित्तीय संस्थाहरूलाई परिपत्र पनि गरेको छ ।
नयाँ प्रावधानअनुसार कर्जा सुविधाका लागि ग्राहकहरूले लघु घरेलु तथा साना, विशेष र साधारण पुनरकर्जा पाउन योग्य हुनुपर्ने छ ।बैंकले कुनै क्षेत्र विशेषलाई विशेष प्राथमिकता दिँदै प्रदान गर्ने पुनरकर्जालाई विशेष पुनरकर्जा भनिएको छ ।
लघु घरेलु तथा साना उद्यम पुनरकर्जाका लागि बैंकले लिने ब्याजदर चार प्रतिशत तोकिएको छ । त्यस्तै, अनुमति प्राप्त बैंक तथा फाइनान्स कम्पनीले ग्राहकसँग लिने ब्याजदर सात प्रतिशत कायम गरिएको छ । साथै, विशेष पुनरकर्जामा राष्ट्र बैंकले लिने व्याजदर दुई प्रतिशत तोकिएको छ भने ग्राहकबाट लिने व्याजदर पाँच प्रतिशत तोकिएको छ ।
त्यसैगरी, साधारण पुनरकर्जामा राष्ट्र बैंकले लिने व्याजदर पाँच प्रतिशत, बैंक तथा फाईनान्स कम्पनीले ग्राहकसँग लिने ब्याजदर सात प्रतिशत कायम गरिएको छ ।
Discussion about this post