बाँके चैत १० गते ।
बाँके प्रहरीले भन्सार छलि भित्र्याइएको अवैध चिनी नेपालगन्जबाट बरामद गरेको छ । बा १ प २१५८ नम्वरको गाडीबाट १४ क्विन्टल चिनी बरामद भएको बाँके प्रहरीले जनाएको छ ।
वीपीचोक–धम्वोजी खण्डबाट उक्त गाडीमा रहेको १४ क्विन्टल चिनी र २ बोरा सूर्ति समेत बरामद भएको छ ।
चिनीको मूल्य ७७ हजार र सूतिको मूल्य ७ हजार बराबर रहेको प्रहरीले जनाएको छ ।
चिनीसहित म्याजिक भन्सार नियन्त्रणमा
यस्तै भन्सार कार्यालयले भे १ ज १०९६ नम्वरको म्याजिक भ्यानलाई नियन्त्रणमा लिएको छ । ५ बोरा चिनीसहित भन्सारको टोलीले म्याजिक नियन्त्रणमा लिएको हो ।
भारतबाट भन्सार छलिको चिनी उक्त भ्यानमा फेला परेको छ । स्रोतका अनुसार तस्करले उक्त म्याजिकमा ४० वोरा चिनी लोड गरेका थिए । तर भन्सार र प्रहरीको टोलीले पछ्याएको सुइको पाएपछि अरु चिनी भने बीचमै झारेर गायव पारेको बताइएको छ ।
भन्सारले थप अनुसन्धान गरिरहेको छ । प्रहरीलाई झुक्याउन तस्करहरुले म्याजिक र निजी गाडीको प्रयोग गर्दै आएका छन् ।
Discussion about this post