बाँके चैत १३ गते ।
बाँकेको खजुरास्थित सुशील कोइराला प्रखर क्यान्सर अस्पताल विकास समितिका अध्यक्ष किशोर थापाले जिल्ला अदालतको निर्णय स्वीकार गर्ने बताएका छन् ।
जिल्ला अदालतले यसअघिकै अध्यक्ष भक्तबहादुर केसीलाई अस्पताल विकास समितिको अध्यक्षमा काम गर्न गराउन आदेश जारी गरेसँगै थापाले समितिको अध्यक्ष छोडेका हुन् ।
गएको फागुन १९ गते नेपाल सरकार स्वास्थ्य मन्त्रालयको निर्णय अनुसार सुशील कोइराला प्रखर क्यान्सर अस्पतालको अस्पताल विकास समितिको अध्यक्षमा नियुक्ति पश्चात् मेरो टिमले फागुन २५ गते कार्यभार ग्रहण गरेको थिए । सम्मानित अदालतले उत्प्रेषणको आदेश जारी गरिसकेको जानकारी सामाजिक संजाल मार्फत प्राप्त हुँदै गर्दा सम्मानित अदालतको निर्णयलाई स्विकार्नु लोकतान्त्रिक चरित्र हो उनले विज्ञप्तीमा भनेका छन् ।
विदाको दिन छोडि १० कार्यदिनको अवधिमा अस्पताल विकास समितिको अध्यक्षको हैसियतले र मेरो टिमले गरेका निर्णय तथा कार्यहरूको उनले जानकारी गराए । अस्पताललाई बिसुद्द सेवामुलक भावनामा कार्य गर्नुपर्छ भन्ने मनसायले पदभार ग्रहण गर्दै पहिलो निर्णयबाट ओपिडी सेवा निशुल्क गर्ने निर्णय गरिएको थियो ।
यस्ता छन् थापाका १० दिने प्रगति
१ खजुरामा क्यान्सर अस्पतालको सुरुवात गर्ने खजुराबसी र खजुराबासीले क्यान्सर अस्पतालको लागी आर्थिक मात्रै नभएर आफ्नो गाँस गाटेर अन्नदान गरि अस्पताललाई यहाँ सम्म ल्याउन गरेको योगदानलाई कदर गर्न मेरो टिमले खजुराबासीलाई ओपिडी सेवा निशुल्क गर्ने निर्णय गर्यो र उक्त निर्णय संगै खजुराबासीले उक्त सेवा निशुल्क लिनुभैरहेको छ ।
२ अस्पताल विकास समितिले कार्यालय सहयोगीबाट सुरु गरिएको छलफल कर्मचारी तथा विशेषज्ञ डाक्टरहरु संग अस्पताल विकासको लागी पहल कदम सुरु गरिएको थियो ।
३ लिनायक मेसिन खरिदका लागी मन्त्रालयले रोक्का राखेको ३० करोड रकम निकास गर्न विकास समिति सफल भएको जानकारी गराउन चाहन्छौं ।
४ चैत्र एक गते विकास समितिको दोस्रो बैठकले सुशील कोइराला प्रखर क्यान्सर अस्पतालको संस्थापक सदस्यहरुलाई ७५ प्रतिशत र साधारण र आजिवन सदस्यहरुलाई ५० प्रतिशत उपचारमा छुट दिने निर्णय गर्दै प्रखरका सदस्यहरुसंग विकास समितिले बैठक आयोजना गरि सल्लाह र सुझाव समेत संकलन गरेको थियो । साथै संस्थापक तथा आजिवन सदस्यहरुको परिचयपत्र निर्माण गरि वितरण गरिएको छ ।
५ सुशील कोइराला प्रखर क्यान्सर अस्पतालमा भौतिक प्रगतिलाई निरन्तरता दिन र अत्यावश्यक पुर्वाधार विकासको लागि समेत अस्पताल विकास समितिले कार्य योजना अगाडी बढाएको सबैमा जानकारी गराउन चाहन्छु । समितीले अस्पताल हातामा हाईमास्ट लाइट, अक्सिजन प्लान्ट, सेवाग्राहीको लागी अत्याधुनिक सौचालय निर्माणको निर्णय सहित बोलपत्र आव्हान गरिसकेको छ । त्यस्तै लिनायक मेसिन राख्ने बंकर भवनको निर्माण कमसल भएकोले फाइल अध्ययन प्रक्रिया अगाडी बढाउदै रिनोभेसनको लागी बोलपत्र आव्हान समेत भैसकेको जानकारी गराउन चाहन्छु ।
६ कर्मचारीको हकहित र सुविधाको लागि कर्मचारी प्रशासन सम्वन्धि नियमावली तर्जुमा अगाडी बढाइएको सबैमा जानकारी गराउन चाहन्छु ।
७ खजुरा गाउँपालिका अवस्थित सुशील कोइराला प्रखर क्यान्सर अस्पताल सम्पुर्ण जिल्लावासीले गर्व गर्न लायक अस्पताल थियो, छ र हुनेछ, त्यसै मनसायले यो छोटो अवधिमा अस्पतालको बृहत विकासको लागी केही गर्ने प्रयास गरेका थियौ ।
८ सुशील कोइराला प्रखर क्यान्सर अस्पताल नेपाल सरकारलाई हस्तान्तरण गर्दा प्रखर परोपकार मिसन संस्थामा रहेको १० करोड ६७ लाख रुपैयाँको हर हिसाव चुस्त दुरुस्त भए नभएको हेरिदिन संस्थापक सदस्य ज्युहरुको अनुरोधलाई समय अभावको कारण पूरा गर्न सकिएन जसको लागी क्षमायाचना गर्न चाहन्छु ।
Discussion about this post