वसीम अन्सारी
बाँके चैत ३० गते ।
दुई वर्ष अघि यो समयमा नेपालगन्जमा कोरोना महामारी चर्किदै गएको थियो । लकडाउन र निषेधाज्ञाले मानिसहरु घरभित्रै थुनिएका थिए ।
विपन्न तथा गरिव समुदाय जो रोजगारी नगरी साँझ विहानको चुल्हो बाल्न सक्दैनथे उनीहरु भोकभोकै बस्ने अवस्था सिर्जना भइरहेको थियो । तर त्यतिबेला सबैका अन्नदाता बने कमरुद्दिन राई ।
आफ्नो ज्यानको प्रवाह नगरि उनले आफै काधमा चामल, दाल, नुन, तेललगायतका खाद्यान्न बोकेर घरघरमा पुगे । विपन्न वर्गलाई खाद्यान्न दिए । भोकभोकै बसेका विपन्न तथा गरिव परिवारको ज्यान जोगाए । महामारीको त्रासमा उनी एकदिन पनि घरमा बसेनन् । जनताकै घरदैलोमा हिडिरहे र अफठ्यारो परेका जनतालाई सहयोग गरिरहे ।
आसन्न निर्वाचन आइरहँदा नेपालगन्ज उपमहानगरपालिकाका मेयरका उम्मेदवार राइ त्यही भएर योपालि सबैभन्दा बलियो उम्मेदवार बनेका छन् । चुनाव आउने वित्तिकै अहिले नेताहरु विभिन्न प्रलोभन देखाएर बस्तीबस्ती पसिरहेका छन् । तर कमरुद्दिन राइ सधैंभरी बस्तीबस्तीमै पुगेका हुन्छन्।
नेकपा एमालेले मेयर पदमा पशुपति दयाल मिश्रलाई उठाउने निर्णय गरिसकेको छ । उनी चुनावी अभियानमा हिडिपनि सकेका छन् । काँग्रेसले मेयरमा डा सुरेशकुमार कनोडियालाई लडाउने तयारी गरेको छ । कोरोना महामारीमा नागरिकलाई दुख परेका बेला यि दुवै नेता घरभित्र परिवारसँग एसीमा मस्त थिए ।
न उनीहरुले एकदिन नागरिकको घरमा पुगेर सहयोग गरे न त सहयोगका लागि हात दिए । तर राई भने दिनरात नभिन अहोरात्र खटिरहे । स्थानीयबासी भन्छन् –‘चुनाव आउने बेला आश्वसन दिने नेता चाहिने हामीलाई सधै साथ दिने नेता चाहियो ।’ त्यसैले पनि योपालिको चुनावमा राइप्रतिको आशा, भरोसा नगरबासीमा धेरै देखिन्छ ।
अघिल्लो निर्वाचनमा पाँच हजार मत ल्याएर मेयर पदमा पराजित भएपनि उनी चुप लागेर बसेनन् । जनताको सेवाका लागि अहोरात्र खटिरहे । कोही नागरिक विरामी पर्दा अस्पतालमै पुगे ।
पैसा नभएर उपचार गर्न नसक्नेलाई आफै पैसा दिएर उपचारका लागि अस्पताल पठाए । यसरी जनताको सेवामा खटिरहेका राइ जसपाबाट नेपालगन्ज उपमहनगरपालिकाको सशक्त र सबैभन्दा बलियो उम्मेदवार हुन् ।
Discussion about this post