बाँके बैशाख १४ गते ।
बैशाख ३० गते हुने स्थानीय तहको निर्वाचनमा बाँकेको जानकी गाउँपालिकामा माओवादी केन्द्र र जनता समाजवादी पार्टीबीच चुनावी गठबन्धन छ ।
उक्त गठबन्धनबाट जसपाका युवा नेता राजीव वर्मा गाउँपालिकाको अध्यक्षमा उम्मेदवारी दर्ता गराएर चुनावी अभियानको थालनी गरिसकेका छन् ।
वर्मालाई जिताउन घरदैलो अभियान तिब्र गतिले अघि बढेको छ । वर्मा स्थानीय जनता माझ निकै परिचित र सहयोगी भावनाका कारण यस स्थानीय तहको निर्वाचनमा विजयी हुने पक्का नै रहेको त्यहाँका स्थानीय बताउँछन् ।
जानकी गाउँपालिकाका स्थानीयलाई दुःख पर्दा साथ दिँदै आएका वर्मा पालिकाका सबै सबैभन्दा बलियो उम्मेदवार रहेको स्थानीयहरु बताउँछन् । गठबन्धनबाट वर्माले अध्यक्षमा उम्मेदवारी दिएपछि त्यहाँ जनाताले नाटकी बिकास भन्दा अब वास्तविक रुपमा गरिवको घर आँगनमा बिकास हुने बताए ।
यसअघिका अध्यक्षले विकास निर्माणमा कुनै पनि प्रगति गर्न नसकेको पालिकाबासीको भनाइ छ । जसपाका वर्मा पालिकामा राम्रो छवि बनाएका मात्रै नभई अन्य पार्टीका मतदाताहरुलाई पनि आफ्नो पकडमा पार्न सक्ने क्षमता भएको नेता मानिन्छन् ।
अप्ठ्यारो पर्दा सहयोगी हात अघि बढाउन जहाँ पनि पुगिहाल्ने नेताका रूपमा चिनिने उम्मेदवार वर्मा नै गाउँपालिकाको अबको अध्यक्ष हुनेमा कुनै शंका नरहेको त्यहाँका स्थानीय बताउँछन् ।
Discussion about this post